វ៉ាស៊ីនតោន៖ ប្រធានាធិបតី សហរដ្ឋអាមេរិកលោក ដូណាល់ត្រាំ បានលើកឡើងថា លោកនឹងផ្តោតសំខាន់ លើការផ្ទេរអំណាច ដើម្បីធានាឱ្យមានការផ្លាស់ប្តូរអំណាច ដោយរលូនទៅនឹងប្រធានាធិបតីជាប់ឆ្នោតលោក ចូ បៃដិន ចំពេលមានការអំពាវនាវ កាន់តែខ្លាំងឡើង ដើម្បីដកខ្លួនចេញពីតំណែង ពីបទញុះញង់ឱ្យមានការប៉ុនប៉ង កាន់កាប់អំណាចដោយហិង្សា ពីសំណាក់អ្នកគាំទ្ររបស់លោក។
លោក ដូណាល់ ត្រាំ បានឲ្យដឹងនៅក្នុងសារជាវីដេអូមួយ ដែលបានបង្ហោះលើបណ្តាញសង្គម Twitter ថា“ រដ្ឋបាលថ្មីមួយនឹងត្រូវបើកសម្ពោធនៅថ្ងៃទី២០ ខែមករា។ ការផ្តោតអារម្មណ៍របស់ខ្ញុំឥឡូវនេះ គឺដើម្បីធានាឱ្យមានការផ្លាស់ប្តូរ អំណាចដោយរលូនមានរបៀបរៀបរយ”។
បណ្តាញសារព័ត៌មាន សហរដ្ឋអាមេរិកមួយចំនួន បានចុះផ្សាយថា សេចក្តីថ្លែងការណ៍ ចុងក្រោយមានទំហំ សម្បទានបន្ទាប់ពីការបន្តបដិសេធមិនទទួលស្គាល់ ការបរាជ័យរបស់លោក នៅក្នុងការបោះឆ្នោតកាលពីថ្ងៃទី៣ ខែវិច្ឆិកា ដោយបានអះអាងថា មានការលួចបន្លំសន្លឹកឆ្នោតយ៉ាងច្រើន ដោយគ្មានភស្តុតាង។
អ្នកគាំទ្រលោក ត្រាំ ដែលបានសម្រុកចូល វិមានកាពីតូល កាលពីថ្ងៃពុធទំនងជាបានរារាំង សភាពីការបញ្ជាក់ពីជ័យជម្នះរបស់អ្នកប្រជាធិបតេយ្យលោក ចូ បៃដិន ដែលត្រូវបានធ្វើឡើងដោយការអំពាវនាវរបស់ប្រធានាធិបតី សាធារណរដ្ឋក្នុងអំឡុងបាតុកម្មមួយនៅទីក្រុងវ៉ាស៊ីនតោន នៅព្រឹកថ្ងៃនោះ ដើម្បីដើរចូលអគារដើម្បីទាមទារឱ្យសមាជិកសភាបដិសេធ លទ្ធផលបោះឆ្នោត៕
ដោយ ឈូក បូរ៉ា
