AboutXi ទំនៀមទំលាប់បិទ春联/ Chunlian ដែលជាពាក្យទំនឹមជូនពរឆ្នាំថ្មីប្រពៃណីចិន មានប្រវត្តិសាស្ត្រជាង១ពាន់ឆ្នាំហើយ។ ជនជាតិចិនបិទ春联/ Chunlian នៅលើទ្វារនៅយប់ដាច់ឆ្នាំ ដើម្បីបួងសួងឱ្យមានអនាគតល្អបវរ ត្រចះត្រចង់ដូចព្រះអាទិត្យ ចាំងរស្មីភ្លឺចិញ្ចាចក្នុងនិទាឃរដូវ។ 春联/ Chunlian តែងប្រើឃ្លាកំណាព្យដើម្បីបង្ហាញនូវការរំពឹងទុក ចំពោះជីវភាពរស់នៅក្នុងឆ្នាំថ្មី ដែលបិទនៅសងខាងទ្វារ ខណៈក្រដាសដែលបិទលើធ្នឹមទ្វារ គឺជាពាក្យស្នូលនៃសេចក្តីប្រាថ្នា។
ខ្លឹមសារនៃពាក្យទំនឹម 春联 / Chunlian ភាគច្រើនដកស្រង់ពីរឿងនិទានប្រពៃណីចិន។ រឿងនិទានទាំងនេះត្រូវបានប្រើប្រាស់ ជាញឹកញាប់ក្នុងជីវភាពប្រចាំថ្ងៃ ហើយមេដឹកនាំប្រទេសចិន ក៏តែងដកស្រង់ឃ្លាទាំងនេះ ដើម្បីបង្ហាញនូវ ការជូនពរ ការរំពឹងទុក និងការលើកទឹកចិត្តជាដើម។
ពិភពលោទាំងមូលគឺជាគ្រួសារតែមួយ។ ថ្ងៃនេះវិទ្យុមិត្តភាពកម្ពុជាចិនតាមរាយៈពាក្យទំនឹម 春联/ Chunlian ចំនួន ៧ ដូចខាងក្រោមនេះ សូមគោរពជូនពរឆ្នាំថ្មីប្រពៃណីចិនដល់លោកអ្នក។ «每个人都了不起 / មនុស្សគ្រប់គ្នាសុទ្ធតែអស្ចារ្យណាស់!» «此心安处是吾乡/ កន្លែងដែលធ្វើឱ្យស្ងប់ចិត្តគឺស្រុកកំណើត»។
ស្វាគមន៍លោកអ្នកចែករំលែក រូបភាពពាក្យទំនឹមទាំងនេះ ទៅឱ្យញាតិមិត្តរបស់លោកអ្នក សូមយើងរួមគ្នាជូនពរពិភពលោកមានសិរីមង្គល គ្រួសារទាំងអស់មានសុខសុវត្ថិភាព!
1.对联：共欢新故岁 迎送一宵中 横批：此心安处是吾乡
ពន្យល់៖ ឆ្លៀតឱកាសបុណ្យចូលឆ្នាំថ្មីប្រពៃណីចិន សូមគោរពជូនពរលោកអ្នកបានជួបជុំគ្រួសារ សម្រេចអ្វីៗដូចបំណងប្រាថ្នា!
ការឡកម៉ុងសាយនិងដុតផាវ ជាទំនៀមទម្លាប់ចូលឆ្នាំថ្មី ប្រពៃណីរបស់ប្រទេសចិន រីឯការទស្សនាកម្មវិធីរាត្រី សមោសរអបអរបុណ្យចូលឆ្នាំថ្មីចិនគឺជា ទំនៀមទម្លាប់ចូលឆ្នាំថ្មីរបស់ប្រជាជនចិន។ ឆ្នាំថ្មីខិតជិតមកដល់ហើយ !
2.对联：天道酬勤 力耕不欺 横批：每个人都了不起
ពន្យល់៖ ភ្ជួររាស់កម្រិតណាមួយ នឹងទទួលបានផលកម្រិតហ្នឹង។ សូមជូនពរលោកអ្នកខិតខំនៅឆ្នាំថ្មី ទទួលបានសមិទ្ធផលច្រើន!
ក្នុងវប្បធម៌ប្រពៃណីចិន សត្វគោតំណាងដល់ភាពតស៊ូឧស្សាហ៍ព្យាយាម។ មួយឆ្នាំកន្លងទៅនេះ យើងបានស្គាល់អ្នកតស៊ូជាច្រើន នៅគ្រប់ទីកន្លែងនៃទូទាំងពិភពលោក៖ កសិករដែលបានចេញផុតពីភាពក្រីក្រ ហើយឆ្ពោះទៅកាន់ជីវភាពធូរធារបង្គួរ, បុគ្គលិកវេជ្ជសាស្ត្រដែលបាននិងកំពុង ប្រចាំការនៅជួរមុខដើម្បីប្រយុទ្ធនឹងជំងឺឆ្លង… យុគសម័យថ្មីជាយុគសម័យរបស់អ្នកតស៊ូ ឆ្នាំឆ្លូវ សូមយើងរួមគ្នាខិតខំប្រឹងប្រែងបន្តទៀត។
3.对联：春华秋实 岁物丰成 横批：每个人都了不起
ពន្យល់៖ គ្រាប់ពូជនៅនិទាឃរដូវនឹង ទទួលបានផលនៅរដូវស្លឹកឈើជ្រុះ សង្ឃឹមថាលោកអ្នកមានសេចក្តីសុខសប្បាយ និងសំណាងល្អនៅឆ្នាំថ្មីខាងមុខនេះ!
សភាពការណ៍រាលដាលនៃ ជំងឺឆ្លងជាសកលនិងជម្លោះពាណិជ្ជកម្ម បានដាក់សម្ពាធខ្លាំងលើបញ្ហាសុវត្ថិភាព ស្បៀងអាហារនាឆ្នាំ២០២០។ ការគាំពារសុវត្ថិភាពស្បៀងអាហាពិភពលោក ជារឿងពាក់ព័ន្ធនឹងមនុស្សយើងគ្រប់គ្នា។
4.对联：只争朝夕 不负韶华 横批：每个人都了不起
ពន្យល់ ៖ សូមជូនពរលោកអ្នកមានវ័យក្មេងជានិច្ច ថ្ងៃនីមួយៗសុទ្ធតែជាថ្ងៃល្អ!
យុវវ័យជាចិត្តគំនិតវិជ្ជមានមួយ។ រក្សាការត្រួសត្រាយដ៏សកម្ម ឆន្ទៈរឹងមាំ ទឹកចិត្តកក់ក្តៅដូចព្រះអាទិត្យ និងការតាំងចិត្តឈានទៅមុខមិនថយក្រោយ មិនថាអ្នកណាក្តីឬពេលណាក្តីក៏សុទ្ធតែ ពោរពេញដោយភាពវិជ្ជមាន!
5.对联：团圆最幸福 团结最有力 横批：此心安处是吾乡
ពន្យល់៖ អបអររាល់ពេលដែលជួបជុំគ្នា សង្ឃឹមថាយើងចាប់ដៃគ្នា បង្កើតអនាគតដ៏ល្អបវរ!
មនុស្សជាច្រើនដែលបាន ឆ្លងថ្ងៃបុណ្យខុសៗគ្នានៅឆ្នាំ២០២០។ ការខិតខំបង្ការជំងឺឆ្លងរបស់អ្នក ទាំងអស់ដោយការរួមចិត្តរួមថ្លើម យើងនឹងបានជួបជុំគ្នាយ៉ាងសប្បាយ រីករាយបន្ទាប់ពីបានចេញផុតពីជំងឺឆ្លង!
6.对联：东风随春归 发我枝上花 横批：每个人都了不起
ពន្យល់៖ និទាឃរដូវនាំមកនូវក្តីសង្ឃឹមថ្មី សង្ឃឹមថាយើងបោះជំហាន ទៅមុខថែមទៀតនៅឆ្នាំថ្មី!
ឆ្នាំ២០២១ យើងរួមចិត្តរួមថ្លើម ប្រយុទ្ធប្រឆាំងនឹងជំងឺឆ្លង រួមគ្នាស្តារសេដ្ឋកិច្ចឡើងវិញ!
7.对联：大木百寻根基深 沧海万仞众流成 横批：每个人都了不起
ពន្យល់៖ មានតែចាក់ឬសឱ្យបានជ្រៅ ទើបដើមឈើអាចលូតខ្ពស់បាន, មានតែប្រសព្វគ្នា ទើបចរន្តទឹកអាចក្លាយជារលកដ៏ខ្លាំងក្លា។
ភាពអស្ចារ្យកើតចេញពីរឿងរ៉ាវធម្មតា វីរជនកើតចេញពីចំណោមប្រជាជន។ មនុស្សគ្រប់គ្នាសុទ្ធតែជាមនុស្សដ៏អស្ចារ្យណាស់ មនុស្សគ្រប់គ្នាសុទ្ធតែអាចរួមចំណែក របស់ខ្លួនក្នុងការពុះពារសភាព រាលដាលនៃរាតត្បាតសកល ក៏ដូចជាការបង្កើតអនាគតកាន់ តែល្អបវរនៃមនុស្សជាតិ៕
