សេអ៊ូល៖ ធនាគារកូរ៉េខាងត្បូង (BOK) បានឲ្យ ដឹងក្នុងរបាយការណ៍ កែប្រែចុងក្រោយរបស់ខ្លួន ដែលចេញផ្សាយនៅថ្ងៃអង្គារនេះថា សេដ្ឋកិច្ចកូរ៉េខាងត្បូង បានកើនឡើង ០,៤ ភាគរយធៀបនឹងរយៈពេល ៣ ខែដំបូង នៅត្រីមាសទី៣ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន យុនហាប់។
ការប៉ាន់ស្មានកំណើនត្រីមាសទី ៣ នៅតែមិនផ្លាស់ប្តូរពីតួលេខបឋម ដែលបានចេញផ្សាយកាលពីចុងខែតុលា ទោះបីមានការកែប្រែបន្តិចទៅលើការចំណាយរបស់អ្នកប្រើប្រាស់ និងការនាំចេញសរុបក៏ដោយ ព្រោះការធ្លាក់ចុះនៃការវិនិយោគវិស័យសំណង់ នឹងទទួលបានផលចំណេញ។
ការចំណាយក្នុងស្រុកបានកើនឡើង ០,២ ភាគរយពី ៣ខែមុនក្នុងចន្លោះខែកក្កដា – កញ្ញាដែលបានកែលម្អពីកំណើន ០,១ ភាគរយខណៈការនាំចេញបានកើនឡើង ៤,៦ ភាគរយក្នុងរយៈពេលដូចគ្នា ដែលកើនឡើង ០.៥ ភាគរយពីការព្យាករណ៍មុន៕
ដោយ ឈូក បូរ៉ា
