ពលរដ្ឋ អាមេរិក ច្រើនលាននាក់ ខកខានទទួលបានវ៉ាក់សាំង លើកទី២ តាមកាលកំណត់

បរទេស ៖ ទីភ្នាក់ងារចិនស៊ិនហួ ចេញផ្សាយនៅថ្ងៃអង្គារ បានឲ្យដឹងថា ពលរដ្ឋអាមេរិក ប្រមាណជាជាង៥លាននាក់ ឬត្រូវជា៨ភាគរយ នៃពលរដ្ឋអាមេរិក ដែលទទួលបានវ៉ាក់សាំង ដូសដំបូង គឺជាក្រុមមនុស្ស ដែលបានខកខានទទួល បានការចាក់វ៉ាក់សាំង ជាលើកទី២តាមកាលកំណត់របស់ក្រុមគ្រូពេទ្យ។

• 

ប្រភពដដែល បានបន្តទៀតថា ចំនួននៃអ្នកខកខានទទួលយកវ៉ាក់សាំងទី២ ដ៏សំខាន់នេះត្រូវបានកើនឡើង ដល់ទៅ៣,៤ភាគរយ កាលពីខែក្នុងខែមិនា គឺច្រើនជាង២ ដងចំនួន នៃអ្នកទទួលបាន វ៉ាក់សាំងកាលពីប៉ុន្មានសប្តាហ៍ដំបូង នៃយុទ្ធនាការចាក់វ៉ាក់សាំង របស់អាមេរិក។

គួរឲ្យដឹងដែរថា ការចាក់វ៉ាក់សាំង Pfizer និង Moderna គឺទាមទារឲ្យមនុស្ស ដែលទទួលវ៉ាក់សាំងដំបូង ត្រូវរងចាំពេលយ៉ាងហោចណាស់ ៣ទៅ៤សប្តាហ៍ មុនការចាក់វ៉ាក់សាំង លើកទី២នេះ បើយោងតាមការបញ្ជាក់របស់អជ្ញាធរ៕

ប្រែសម្រួល៖ស៊ុនលី