បរទេស ៖ យោងតាមការចេញផ្សាយ របស់ CNA នៅថ្ងៃព្រហស្បតិ៍ នេះ បានឲ្យដឹងថា ចំនួនវ៉ាក់សាំង ដែលត្រូវបានចែកចាយ ជូនពិភពលោក មកដល់ពេលនេះ គឺមានចំនួនរហូត ទៅដល់ជាង២ពាន់លានដូស មកហើយ។
ប្រភពដដែលបានឲ្យដឹង ទៀតដែរថា តួលេខដែលត្រូវបានរាប់ដោយ AFP គិតចាប់តាំងតែពី៦ខែ មុនជាពេលដែលយុទ្ធនាការចាក់ វ៉ាក់សាំង ត្រូវបានចាប់ផ្តើម ឡើងជាផ្លូវការ។
តួលេខបានបង្ហាញថា វ៉ាក់សាំងសរុប ដែលមាន រហូត ទៅដល់២ ១០៩ ៦៩៦ ០២២ដូស មកហើយទៅកាន់ ប្រទេសចំនួន២១៥ ដែលក្នុងនោះគេជឿជាក់ថា មានតែ ប្រទេស អ៊ីស្រាអ៊ែលប៉ុណ្ណោះ ដែលមានល្បឿន នៃការចាក់វ៉ាក់សាំង បានលឿនជាងគេបំផុត។
ប្រទេស បន្ទាប់ ដែលបានចាក់វ៉ាក់សាំង ជូនពលរដ្ឋរបស់ខ្លួនច្រើនជាងគេនោះ គឺកាណាដា ដែលប្រមាណជា៥៩ភាគរយ នៃពលរដ្ឋរបស់ខ្លួន បានចាក់វ៉ាក់សាំង លើកដំបូង រួចរាល់ហើយបន្ទាប់មកពីប្រទេស អង់គ្លេស មាន៥៨,៣ភាគរយ ប្រទេសឈីលី ចាក់បាន៥៦,៦ភាគរយ និងសហរដ្ឋអាមេរិក ចាក់បាន៥១ភាគរយ ៕
ប្រែសម្រួល៖ស៊ុនលី
