បរទេស៖ ការសិក្សារបស់អ្នកវិទ្យាសាស្ត្រអាហ្សង់ទីនបានបង្ហាញថា ការប្រើប្រាស់វ៉ាក់សាំង Sputnik V របស់រុស្ស៊ី បណ្តាលឱ្យមានការផលិតអង្គបដិប្រាណប្រឆាំងនឹង ហ្គាម៉ា (ប្រេស៊ីល) , វីរុសបំលែងថ្មី អាល់ហ្វា (ចក្រភពអង់គ្លេស) និង វីរុស ឡាំដា (អាមេរិកខាងត្បូង) ដែលជាទូទៅនៅក្នុងអាហ្សង់ទីន។
យោងតាមសារព័ត៌មាន Sputnik ចេញផ្សាយនៅថ្ងៃទី១ ខែកក្កដា ឆ្នាំ២០២១ បានឱ្យដឹងដោយយោងតាមការស្រាវជ្រាវដែលត្រូវបានធ្វើឡើងដោយ Proyecto PAIS, Biobank នៃជំងឺឆ្លង (BBEI) វិទ្យាស្ថាន Inbris និងមន្ទីរពេទ្យ Jose de San Martin បាននិយាយថា “ មិនមានការលំបាកក្នុងសកម្មភាពបន្សាបសេរ៉ាពីមនុស្សដែលបានចាក់វ៉ាក់សាំងជាមួយ Sputnik V” ឡើយ។
អ្នកស្រាវជ្រាវបានសម្គាល់ឃើញថា អ្នកដែលបានទទួលថ្នាំបង្ការបានបង្កើតអង្គបដិប្រាណដែលបន្សាបវីរុសបំលែងខ្លួន SARS-CoV-2 ដែលរីករាលដាលនៅក្នុងប្រទេសអាហ្សង់ទីន រួមមាន P.1 (gamma), B.1.1.7 (alpha) និង C.37 (lambda)។
ក្នុងពេលដំណាលគ្នានោះ បរិមាណអង្គបដិប្រាណបន្សាបភាពខុសគ្នានៃ gamma នៅក្នុងស៊ែរឈាមរបស់អ្នកជំងឺដែលមានរោគសញ្ញា ឬអ្នកដែលបានចាក់វ៉ាក់សាំងជាមួយ Sputnik ត្រូវបានកាត់បន្ថយចំនួន ៦៧ ភាគរយ។ វាក់សាំង Sputnik V ដែលត្រូវបានបង្កើតឡើងដោយវិទ្យាស្ថានស្រាវជ្រាវ Gamaleya របស់ប្រទេសរុស្ស៊ីគឺជាវ៉ាក់សាំងដែលត្រូវបានចុះបញ្ជីដំបូងបង្អស់នៅលើពិភពលោកប្រឆាំងនឹងវីរុសកូវីដ -១៩ ៕
