ប៉េកាំង ៖ អ្នកនាំពាក្យ ក្រសួងការពារជាតិចិន បានឲ្យដឹងថា ប្រទេសចិន មានការព្រួយ បារម្ភយ៉ាងខ្លាំង ចំពោះរបាយការណ៍ ប្រព័ន្ធផ្សព្វផ្សាយ នៃយន្តហោះដឹកជញ្ជូន យោធាអាមេរិក ចុះចតនៅកោះតៃវ៉ាន់ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។
លោក Wu Qian អ្នកនាំពាក្យ ក្រសួងការពារជាតិ បានលើកឡើងថា កោះតៃវ៉ាន់ គឺជាផ្នែកមួយមិនអាចគ្រប់គ្រង បាននៃទឹកដីចិន។ លោកថា“ ការចុះចតយន្តហោះយោធា បរទេសណាមួយ នៅលើទឹកដីចិន អាចត្រូវបានធ្វើឡើងដោយមានការអនុញ្ញាតពីរដ្ឋាភិបាល នៃសាធារណរដ្ឋប្រជាមានិតចិន តែប៉ុណ្ណោះ ។ ការរំលោភដោយនាវា ឬយន្តហោះបរទេសចូលក្នុងដែនដី របស់ចិន នឹងបង្កឱ្យមានផលវិបាកធ្ងន់ធ្ងរ” ។
អ្នកនាំពាក្យរូបនោះបានបន្ដថា “យើងព្រមានយ៉ាង ទទូចដល់សហរដ្ឋអាមេរិក កុំលេងជាមួយ និងបញ្ឈប់ជាបន្ទាន់ នូវសកម្មភាព ប្រថុយប្រថាន និងញុះញង់កុំបញ្ជូន សញ្ញាខុសទៅនឹងកងកម្លាំងបំបែកខ្លួន ឯករាជ្យរបស់តៃវ៉ាន់ និងចៀសវាងភាពតានតឹង កាន់តែខ្លាំងឡើង នៅក្នុងច្រកសមុទ្រតៃវ៉ាន់” ។
លោកបានបន្ថែមថា“ យើងព្រមានអាជ្ញាធរ គណបក្សវឌ្ឍនភាពប្រជាធិបតេយ្យ របស់តៃវ៉ាន់ កុំ ឲ្យវង្វេងស្មារតីស្ថានការណ៍ និងនាំយកបញ្ហាមកកោះនេះ។ ការបង្កហេតុ និងស្វែងរកឯករាជ្យភាព ដោយឃុបឃិត ជាមួយកម្លាំងខាងក្រៅ នឹងនាំឱ្យកោះតៃវ៉ាន់ស្ថិតក្នុង ស្ថានភាពគ្រោះថ្នាក់” ។
អ្នកនាំពាក្យរូបនេះបានបន្ថែមទៀតថា ប្រទេសចិនត្រូវតែមានហើយ នឹងត្រូវជួបជុំគ្នាឡើងវិញ ។ គ្មាននរណាម្នាក់គួរមើលស្រាល ការដោះស្រាយឆន្ទៈ និងសមត្ថភាពរបស់ប្រជាជនចិន ក្នុងការការពារអធិបតេយ្យភាពជាតិ និងបូរណភាពទឹកដីរបស់ពួកគេឡើយ។ លោកបានបន្ថែមថា យោធាចិន កំពុងប្រុងប្រយ័ត្នខ្ពស់ហើយ នឹងចាត់វិធានការចាំបាច់ទាំងអស់ ដើម្បីកម្ចាត់ការប៉ុនប៉ងណាមួយឆ្ពោះទៅរក “ឯករាជ្យភាពរបស់កោះតៃវ៉ាន់”៕
ដោយ ឈូក បូរ៉ា
