វ៉ាស៊ីនតោន ៖ សហរដ្ឋអាមេរិក និងវៀតណាម បានប្រកាសថា ភាគីទាំងពីរ បានឈាន ដល់កិច្ចព្រមព្រៀង ស្តីពីគោលនយោបាយ រូបិយវត្ថុ ពោលគឺប៉ុន្មាន ខែបន្ទាប់ពីក្រសួងរតនាគារ សហរដ្ឋអាមេរិក ក្រោមរដ្ឋបាល អតីតប្រធានាធិបតី លោក ដូណាល់ ត្រាំ បានដាក់ស្លាកប្រទេសវៀតណាមថា ជា“ អ្នករៀបចំរូបិយវត្ថុ” ។
រដ្ឋលេខាធិការរតនាគារ អាមេរិក លោកស្រី Janet Yellen និងអភិបាលធនាគាររដ្ឋ វៀតណាម លោកស្រី Nguyen Thi Hong បានឲ្យដឹង នៅក្នុងសេចក្តីថ្លែង ការណ៍រួម មួយបន្ទាប់ពីការប្រជុំ និមិត្មរបស់អ្នកទាំងពីរ ឲ្យដឹងថា ក្រសួងរតនាគារសហរដ្ឋអាមេរិក និងធនាគារ រដ្ឋវៀតណាម មានការពិភាក្សា បែបស្ថាបនាក្នុងរយៈពេល ប៉ុន្មានខែថ្មីៗនេះ តាមរយៈដំណើរការចូលរួម កាន់តែប្រសើរឡើង និងបានឈានដល់ កិច្ចព្រមព្រៀង ដើម្បីដោះស្រាយការ ព្រួយបារម្ភរបស់រតនាគារ អំពីការអនុវត្តន៍ រូបិយប័ណ្ណរបស់វៀតណាម ។
លោកស្រី Yellen បានលើកឡើងថា“ ខ្ញុំជឿជាក់ថា ធនាគាររដ្ឋ នៃប្រទេសវៀតណាម យកចិត្តទុកដាក់លើបញ្ហា ទាំងនេះ ក្នុងរយៈពេលមិនត្រឹមតែ ដោះស្រាយការ ព្រួយបារម្ភ របស់រតនាគារប៉ុណ្ណោះទេ ប៉ុន្តែខ្ញុំក៏នឹងគាំទ្រ ដល់ការអភិវឌ្ឍបន្ថែមទៀត នៃទីផ្សារហិរញ្ញវត្ថុ របស់វៀតណាម និងលើកកម្ពស់ ម៉ាក្រូសេដ្ឋកិច្ច និងហិរញ្ញវត្ថុ” ។
ភាគីវៀតណាមលោកស្រី Hong បានលើកឡើងថា ធនាគាររដ្ឋវៀតណាម នឹងបន្តគ្រប់គ្រងគោល នយោបាយ អត្រាប្តូរប្រាក់ នៅក្នុងក្រប ខ័ណ្ឌគោល នយោបាយរូបិយវត្ថុទូទៅ ដើម្បីការពារដំណើរការត្រឹមត្រូវ នៃទីផ្សារប្តូររូបិយវត្ថុ និងរូបិយវត្ថុដើម្បីជំរុញស្ថេរភាពម៉ាក្រូសេដ្ឋកិច្ច និងគ្រប់គ្រងអតិផរណា គុណប្រយោជន៍ នៃការប្រកួតប្រជែង អយុត្តិធម៌ក្នុងពាណិជ្ជកម្មអន្តរជាតិ។
ក្នុងអំឡុងពេលបិទទ្វារ នៃរដ្ឋបាល របស់អតីតប្រធានាធិបតីលោក ដូណាល់ ត្រាំ រតនាគារសហរដ្ឋអាមេរិក បានដាក់ស្លាកប្រទេសវៀតណាមថាជា“ អ្នករៀបចំរូបិយវត្ថុ” នៅក្នុងរបាយការណ៍ឆមាសរបស់ខ្លួន ស្តីពីគោលនយោបាយអត្រាប្តូរ ប្រាក់អន្តរជាតិ និងសេដ្ឋកិច្ចចំពោះសភាសហរដ្ឋអាមេរិក ដែលបានចេញផ្សាយនៅខែធ្នូ ឆ្នាំ ២០២០ ។
នៅខែមករា ការិយាល័យតំណាង ពាណិជ្ជកម្មអាមេរិក (USTR) បន្ទាប់មកបានអះអាងថា សកម្មភាពគោលនយោបាយ និងការអនុវត្តរបស់វៀតណាម ទាក់ទងនឹងការ វាយតំលៃរូបិយប័ណ្ណ គឺមិនសមហេតុផល និងរឹតត្បិតពាណិជ្ជកម្មអាមេរិក បន្ទាប់ពីចេញផ្សាយលទ្ធផល នៃការស៊ើបអង្កេតដែលគេហៅថា ផ្នែក ៣០១ ទាក់ទងនឹងការអនុវត្តរូបិយប័ណ្ណ របស់វៀតណាម ដែលត្រូវបានផ្តួចផ្តើមឡើង នៅក្នុងខែតុលា ឆ្នាំ២០២០៕ដោយ ឈូក បូរ៉ា
