បរទេស៖ រដ្ឋមន្ត្រីក្រសួងសុខាភិបាលរបស់ប្រទេសតួកគីលោក Fahrettin Koca កាលពីថ្ងៃសុក្រម្សិលមិញនេះបាន ប្រកាសថាប្រទេសរបស់ខ្លួនបាន ដាក់ផែនការក្នុងការបង្កើន ល្បឿននៃការចាក់វ៉ាក់សាំងជូនក្រុមគ្រូបង្រៀន ឲ្យបានមុនបវេស្សនកាលថ្មីដែលនឹងឈានចូល មកដល់ថ្ងៃទី៦ ខែកញ្ញា ខាងមុខនេះ។
លោក Koca បានបន្តទៀតនៅលើគណនេយ្យ Twitter របស់លោកថាមកដល់ពេលនេះគ្រូបង្រៀននៅទូទាំងប្រទេស ប្រមាណជា៨៤ភាគរយ ហើយដែលបានទទួល ការចាក់វ៉ាក់សាំងដូសទី១ រួចរាល់ហើយប្រមាណជា៧២,៦ភាគរយ ទៀតបានទទួលវ៉ាក់សាំងដូសទី២រូចរាល់។
គួរឲ្យដឹងដែរថាមុននេះបន្តិចរដ្ឋាភិបាលនៃប្រទេសតួកគី បានប្រកាសថាគ្រូបង្រៀនទាំងអស់ចាំបាចទាមទារត្រូវតែបញ្ជាក់ លទ្ធផលនៃការធ្វើតេស្តអវិជ្ជមាន ឲ្យបាន២ដង
ឬលិខិតស្នាមដែលបញ្ជាក់ថា ពួកគេបានទទួលវ៉ាក់សាំងរួចរាល់ខណៈ ដែលនៅទូទាំងប្រទេសនៅពេលនេះ វ៉ាក់សាំងប្រមាណជា៩១លានដូស គឺត្រូវបានចាក់ជូនពលរដ្ឋរបស់ខ្លួនរួចទៅហើយ៕
ប្រែសម្រួល៖ស៊ុនលី
