វ៉ាស៊ីនតោន ៖ សហគមន៍ ចារកម្មអាមេរិក បានបរាជ័យក្នុងការកំណត់ពីប្រភពដើមនៃវីរុសកូរ៉ូណា បន្ទាប់ពីការស៊ើប អង្កេតបន្ថែម ដោយថា ខ្លួននៅតែបែងចែកថា តើវីរុសនេះផុសចេញពីការ ប៉ះពាល់មនុស្សជាមួយសត្វដែលឆ្លង ឬពីឧបទ្ទវហេតុមន្ទីរ ពិសោធន៍។
ក្នុងពេលបដិសេធលទ្ធភាព នៃមេរោគ ដែលត្រូវបានបង្កើត ជាអាវុធជីវសាស្ត្រ ការិយាល័យ នៃនាយកស៊ើប ការណ៍ សម្ងាត់ជាតិ បានឲ្យដឹងនៅក្នុងរបាយការណ៍មួយថា“ ទីភ្នាក់ងារទាំងអស់វាយតម្លៃថា សម្មតិកម្មពីរ គឺអាចធ្វើទៅបាន ៖ ការប៉ះពាល់ធម្មជាតិជាមួយសត្វ ដែលមានមេរោគ និងឧបទ្ទវហេតុ ដែលទាក់ទងនឹង មន្ទីរពិសោធន៍” ។
សហគមន៍ស៊ើបការណ៍ “វិនិច្ឆ័យថា ពួកគេនឹងមិនអាចផ្តល់ការ ពន្យល់ច្បាស់លាស់ជាងនេះ បាននោះទេ” ដោយគ្មានព័ត៌មានថ្មី ដូចជាថាតើមន្ទីរ ពិសោធន៍មួយ នៅទីក្រុងវូហាន ភាគកណ្តាល ប្រទេសចិន ដែលជាកន្លែង ដែលជំងឺរាតត្បាតត្រូវ បានរកឃើញដំបូង នៅចុងឆ្នាំ២០១៩ កំពុងដោះស្រាយវីរុស មុនពេលវីរុសកូរ៉ូណា លេចចេញមក ។
ប្រធានាធិបតី អាមេរិកលោក ចូ បៃដិន ដែលបានស្នើ ឱ្យសហគមន៍ស៊ើបការណ៍ ក្នុងខែឧសភា បង្កើនការខិតខំ ទ្វេដង លើការស៊ើបអង្កេតដើមកំណើត នៃមេរោគនេះ បានប្តេជ្ញាបន្តធ្វើការ ជាមួយដៃគូ ដែលមានគំនិត ដូចគ្នា ដើម្បីបង្ខំឲ្យប្រទេសចិន ដើម្បីចែករំលែក ព័ត៌មានឱ្យបាន ពេញលេញ អំពីការកើតឡើង នៃជំងឺរាតត្បាត ដែលបានសម្លាប់មនុស្សជាង ៤,៤ លាននាក់ នៅជុំវិញពិភពលោក។
លោក បៃដិន បានលើកឡើងថា“ ព័ត៌មានសំខាន់អំពីដើមកំណើត នៃជំងឺរាតត្បាតនេះ មាននៅក្នុងសាធារណរដ្ឋ ប្រជាមានិតចិន ប៉ុន្តែតាំងពីដំបូង មកមន្រ្តី រដ្ឋាភិបាលនៅក្នុងប្រទេសចិន បានធ្វើការរារាំង អ្នកស៊ើបអង្កេតអន្តរជាតិ និង សមាជិក នៃសហគមន៍សុខភាព សាធារណៈពិភពលោក ពីការចូលប្រើទិន្ន័យនេះ” ។
លោកបន្ដថា “ ខណៈដែលការពិនិត្យឡើងវិញនេះ ត្រូវបានបញ្ចប់ កិច្ចខិត ខំប្រឹងប្រែងរបស់យើង ដើម្បីស្វែងយល់ពីប្រភពដើម នៃជំងឺរាតត្បាតនេះ នឹងមិនសម្រាកនោះទេ ។ រាល់ការប្រុងប្រយ័ត្នចាំបាច់ ដើម្បីការពារកុំឱ្យ កើតឡើងម្តងទៀត” ។
យោងតាមការសង្ខេបនៃការ វាយតម្លៃ ដែលមិនបានកំណត់ថា វីរុសនេះ ប្រហែលជាលេច ចេញមកហើយ ឆ្លងមកមនុស្ស តាមរយៈការប៉ះពាល់ តូចតាចដំបូង ដែលបានកើតឡើង មិនលើសពីខែវិច្ឆិកា ឆ្នាំ២០១៩ ជាមួយនឹងករណីដំបូង នៃករណីជំងឺកូវីដ-១៩ ដែលកើតឡើងនៅវូហាន នៅខែធ្នូ ឆ្នាំ២០១៩ ។
ទន្ទឹមនឹងនេះរបាយការណ៍ បានឲ្យដឹងទៀត ថា សហគមន៍សហគមន៍ចារកម្ម ចំនួន ៤ និងក្រុមប្រឹក្សាចារកម្មជាតិ បានវិនិច្ឆ័យដោយ “ មាន ទំនុកចិត្តទាប” ថាការឆ្លងដំបូងទំនង ជាបណ្តាលមកពីការប៉ះពាល់ ធម្មជាតិ ជាមួយសត្វ ដែលឆ្លងវីរុស ឬមានការស្និទ្ធស្នាលជាមួយវីរុស៕
ដោយ ឈូក បូរ៉ា
