ព្រុចសែល៖ ប៉ុន្មានថ្ងៃមុនថ្ងៃចូល ឆ្នាំសកល បណ្តាប្រទេសនៅអឺរ៉ុបមួយ ចំនួនត្រូវបានបង្ខំឱ្យចាត់វិធានការ តឹងរ៉ឹង ដើម្បីទប់ទល់នឹងការ កើនឡើងករណីឆ្លងជំងឺកូវីដ-១៩ ទម្រង់ថ្មីអូមីក្រុង នេះបើយោងតាមការចុះផ្សាយ របស់ទីភ្នាក់ងារសារ ព័ត៌មានចិនស៊ិនហួ ។
ករណីកើនឡើង, សម្ពាធម៉ោន នៅប្រទេសបារាំង ចំនួនករណីប្រចាំថ្ងៃនៃជំងឺកូវីដ-១៩ បានឈានដល់ ២០៨,០៩៩ករណី កាលពីថ្ងៃពុធ ដោយបំបែកកំណត់ត្រាកាលពីថ្ងៃអង្គារ និងឈានដល់កម្រិតខ្ពស់ថ្មី មួយចាប់តាំងពីការផ្ទុះឡើងនៃជំងឺរាតត្បាតនៅក្នុងប្រទេស។
រដ្ឋមន្ត្រីសុខាភិបាលរបស់ប្រទេសនេះ លោក Olivier Veran បានប្រាប់រដ្ឋសភាថា “នេះមានន័យថា ២៤ម៉ោងក្នុងមួយថ្ងៃ រៀងរាល់វិនាទី ជនជាតិបារាំងពីរនាក់ត្រូវបាន គេធ្វើរោគវិនិច្ឆ័យថា មានវិជ្ជមានជំងឺកូវីដ-១៩” ។
កាលពីថ្ងៃអង្គារ រដ្ឋាភិបាលបារាំងបានអនុញ្ញាត ឱ្យលក់ការធ្វើតេស្តអង់ទីហ្សែន នៅក្នុងផ្សារទំនើបរហូត ដល់ដំណាច់ខែមករា ហើយបានប្រកាសផ្តល់ប្រាក់រង្វាន់ប្រចាំខែចំនួន ១០០អឺរ៉ូ (១១៣ ដុល្លារអាមេរិក) ដល់បុគ្គលិកពេទ្យ ដែលយកចិត្តទុកដាក់។
អគ្គនាយកអង្គការសុខភាពពិភពលោក (WHO) លោក Tedros Adhanom Ghebreyesus ក៏បានព្រមានកាលពីថ្ងៃពុធថា លោកមានការព្រួយបារម្ភយ៉ាងខ្លាំងដែលថា ទម្រង់ឆ្លងអូមីក្រុង អាចឆ្លងបានកាន់តែច្រើន ដែលចរាចរក្នុងពេលដំណាលគ្នានឹងទម្រង់ដែលតា ដែលនាំឱ្យមានករណីរលកយក្សស៊ូណាមិផ្ទុះឡើង។
លោកបានបន្តថា “នេះ ហើយនឹងបន្ត ដាក់សម្ពាធយ៉ាងខ្លាំង ទៅលើ បុគ្គលិកសុខាភិបាល ដែលហត់នឿយ និងប្រព័ន្ធសុខាភិបាល នៅជិតឈាន ដល់ ការ ដួលរលំហើយនឹងរំខាន ដល់ជីវិត និងជីវភាព រស់នៅជាថ្មីម្តងទៀត”៕
ដោយ ឈូក បូរ៉ា
