គៀវ ៖ សមាជិកសភាអ៊ុយក្រែន លោក Yaroslav Zheleznyak បានឲ្យដឹងថា សភាអ៊ុយក្រែន កាលពីថ្ងៃព្រហស្បតិ៍ បានបោះឆ្នោត ដើម្បីបន្តច្បាប់អាជ្ញាសឹក នៅក្នុងប្រទេស សម្រាប់រយៈពេល ៣០ ថ្ងៃទៀត រហូតដល់ថ្ងៃទី២៥ ខែឧសភា។
លោក Zheleznyak បានសរសេរនៅលើបណ្ដាញ Telegram ថា សំណើ របស់ប្រធានាធិបតី ស្តីពីការពន្យារច្បាប់អាជ្ញាសឹក ត្រូវបានគាំទ្រ ដោយសមាជិកសភាចំនួន ៣០០នាក់ នៅក្នុងសភា ដែលមានកៅអីចំនួន ៤៥០កៅអី ។
អ៊ុយក្រែន បាន ដាក់ ច្បាប់ អាជ្ញាសឹក កាលពី ថ្ងៃទី២៤ ខែ កុម្ភៈ បន្ទាប់ពីជម្លោះជាមួយរុស្ស៊ីបានផ្ទុះឡើង។ កាលពីថ្ងៃទី១៥ ខែមីនា សភាអ៊ុយក្រែន បានបោះឆ្នោតបន្តរបបពិសេសនេះ រហូតដល់ថ្ងៃទី២៥ ខែមេសា។
គួរបញ្ជាក់ថា កាលពីថ្ងៃទី១៩ ខែមេសា ប្រធានាធិបតីអ៊ុយក្រែនលោក Volodymyr Zelensky បានដាក់ជូនសភានូវសេចក្តីព្រាងច្បាប់មួយ ដើម្បីបន្តពង្រីកច្បាប់ អាជ្ញាសឹកនៅក្នុងប្រទេស៕
