បរទេស៖ អធិការបតីអាល្លឺម៉ង់ បានថ្កោលទោស នូវអ្វីដែលលោកហៅថា “ភាពឃោរឃៅ ដែលមិនអាចនឹកស្មានដល់” នៃជម្លោះក្នុងប្រទេសអ៊ុយក្រែន ក្នុងអំឡុងដំណើរទស្សនកិច្ច ទៅកាន់តំបន់ ជាយទីក្រុង Irpin របស់ទីក្រុងគៀវ កាលពីថ្ងៃព្រហស្បតិ៍។ លោក Olaf Scholz បានចូលរួមនៅទីក្រុងគៀវ ដោយប្រធានាធិបតី បារាំង Emmanuel Macron នាយករដ្ឋមន្ត្រីអ៊ីតាលី Mario Draghi និងប្រធានាធិបតីរ៉ូម៉ានី Klaus Iohannis ។
យោងតាមសារព័ត៌មាន RT ចេញផ្សាយនៅថ្ងៃទី១៦ ខែមិថុនា ឆ្នាំ២០២២ បានឱ្យដឹងថា លោក Scholz បានសរសេរនៅលើ Twitter ថា “ការបំផ្លិចបំផ្លាញដ៏ឃោរឃៅនៃទីក្រុងនេះគឺជាការចងចាំមួយ: សង្រ្គាមនេះត្រូវតែបញ្ចប់” ។
ទីក្រុង Irpin ក្នុងប្រទេសអ៊ុយក្រែន បានឃើញការប្រយុទ្ធគ្នាខ្លាំងរវាងកងកម្លាំងរុស្ស៊ី និងអ៊ុយក្រែនក្នុងសប្តាហ៍ដំបូងនៃជម្លោះ បន្ទាប់ពីការវាយប្រហាររបស់រុស្ស៊ីកាលពីចុងខែកុម្ភៈ។
ទីក្រុងមូស្គូ បានដកកងទ័ព របស់ខ្លួនចេញ ពីតំបន់គៀវ និងទឹកដីអ៊ុយក្រែនមួយចំនួនទៀត កាលពីដើមខែមេសា ដោយហៅវាថាជាកាយវិការ សុច្ឆន្ទៈ ក្នុងគោលបំណងជួយ កិច្ចចរចាសន្តិភាព។ ការចរចាបានជាប់គាំង តាំងពីពេលនោះមក។ ខណៈដែលអំពាវនាវឱ្យបញ្ឈប់ ការប្រយុទ្ធគ្នា លោក Scholz ក៏បានប្តេជ្ញាថានឹង បញ្ជូនអាវុធបន្ថែមទៀតទៅក្រុងគៀវ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
