ហ្សាកាតា៖ ចំនួនអ្នកស្លាប់បានកើនឡើងដល់ ១៦២នាក់បាន ២៥នាក់បាត់ខ្លួន និងប្រហែល ៧០០នាក់ផ្សេងទៀត បានរងរបួស បន្ទាប់ពីគ្រោះរញ្ជួយដីកម្រិត ៥.៦រ៉ិចទ័រ បានវាយប្រហារខេត្ត West Java របស់ឥណ្ឌូនេស៊ី កាលពីថ្ងៃចន្ទ។
គ្រោះរញ្ជួយដីនេះ ក៏បានបង្កការខូចខាត យ៉ាងធ្ងន់ធ្ងរដល់ផ្ទះ អគារ និងហេដ្ឋារចនាសម្ព័ន្ធជាច្រើនផងដែរ។ ការរញ្ជួយត្រូវបានទទួលអារម្មណ៍ រញ្ជួយយ៉ាងខ្លាំង នៅក្នុងរដ្ឋធានីហ្សាកាតា។
អ្នកនាំពាក្យទីភ្នាក់ងារគ្រប់គ្រងគ្រោះមហន្តរាយជាតិលោក Abdul Muhari បានប្រាប់ស៊ីនហួរតាមទូរស័ព្ទថា “ឥឡូវនេះចំនួនអ្នកស្លាប់ បានកើនឡើងដល់ ៦២ នាក់ និងមនុស្សប្រហែល ៧០០ នាក់បានរងរបួស” ។
លោកបានលើកឡើងថា មនុស្សជាង ៥០០០នាក់ ត្រូវបានបង្ខំឱ្យទៅជ្រកកោននៅកន្លែង ដែលមានសុវត្ថិភាពជាងមុន ខណៈដែលការរញ្ជួយបានបំផ្លាញផ្ទះ អគារ និងហេដ្ឋារចនាសម្ព័ន្ធជាង ២០០០ខ្នង។
លោក Muhari បាននិយាយថា ទីភ្នាក់ងារនេះបានបង្កើតមជ្ឈមណ្ឌលចំនួន ៤៧ ដែលផ្តល់ជំនួយរួមទាំងអាហារ និងថ្នាំពេទ្យសម្រាប់ជនរងគ្រោះ ដែលរងផលប៉ះពាល់ដោយរញ្ជួយដី។
យោងតាមប្រធានទីភ្នាក់ងារគ្រប់គ្រង គ្រោះមហន្តរាយជាតិលោក Suharyanto បានឱ្យដឹងថា អ្នករងរបួសត្រូវបានព្យាបាល នៅមន្ទីរពេទ្យក្នុងស្រុក Cianjur ក្នុងខេត្ត៕ ប្រែសម្រួល ឈូក បូរ៉ា
