ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នេីក្រុមហ៊ុនចិន ពិចារណាបង្កើតរោងចក្រផលិតបន្ទះសូឡា នៅកម្ពុជា។
សម្ដេចតេជោ ហ៊ុន សែន ស្នេីបែបនេះស្របពេលលោក Liu minglin អគ្គនាយក និងជាអនុប្រធានក្រុមប្រឹក្សាភិបាលក្រុមហ៊ុន Yunnan Investment Group បានបញ្ជាក់ពីគោលបំណងរបស់ក្រុមហ៊ុន ចង់វិនិយោគលើវិស័យថាមពលពន្លឺព្រះអាទិត្យនៅក្នុងខេត្តសៀមរាប។
នាឱកាសអនុញ្ញាតឲ្យលោក Liu minglin ចូលជួបសម្ដែងការគួរសម និងពិភាក្សាការងារ នាថ្ងៃទី៦ ខែមីនា ឆ្នាំ២០២៣ នៅវិមានសន្ដិភាព សម្ដេចតេជោ ហ៊ុន សែន បានមានប្រសាសន៍ថា ក្រុមហ៊ុនអាចពិចារណាបង្កើតរោងចក្រផលិតបន្ទះសូឡានៅព្រះរាជាណាចក្រកម្ពុជា ហើយអាចនាំចេញទៅកាន់ប្រទេ សក្រៅផង និងអាចប្រើប្រាស់នៅក្នុងប្រទេសកម្ពុជាផងដែរ”។
សូមបញ្ជាក់ថា ក្រុមប្រឹក្សាភិបាលក្រុមហ៊ុន Yunnan Investment Group គឺជាក្រុមហ៊ុន ដែលសាងសង់អាកាសយានដ្ឋានសៀមរាបអង្គរថ្មី ខណៈគម្រោងនេះសម្រេចបាន៨៦ ភាគរយ ហើយគ្រោងដាក់ឲ្យហោះហេីរសាកល្បង នៅខែមិថុនា និងដាក់ឲ្យប្រើប្រាស់ជាផ្លូវការនៅខែតុលា ២០២៣ ខាងមុខ៕
