ម៉ូស្គូ៖ ក្រសួងការបរទេសរុស្ស៊ី បានច្រានចោលសំណើ ដែលថាដៃគូលោកខាងលិចដ៏មានឥទ្ធិពលបំផុតរបស់អ៊ុយក្រែនគួរតែចូលរួមក្នុងកិច្ចចរចាសន្តិភាពជាយថាហេតុ ដើម្បីបញ្ចប់ការឈ្លានពាន ដែលកំពុងបន្តរបស់ទីក្រុងម៉ូស្គូ មកលើអ្នកជិតខាងរបស់ខ្លួន។
ក្រសួងបានប្រាប់ RIA Novosti កាលពីថ្ងៃអង្គារថា សហរដ្ឋអាមេរិក ចក្រភពអង់គ្លេស អាល្លឺម៉ង់ និងបារាំង មិនអាចត្រូវបានចាត់ទុកថា ជាអ្នកសម្រុះសម្រួល ដែលអាចទុកចិត្តបាននៅក្នុងការចរចាសន្តិភាពណាមួយឡើយ ដោយសារការចូលរួមរបស់ពួកគេនៅក្នុងជម្លោះ ដែលឥឡូវនេះបានឈានចូលដល់ឆ្នាំទីពីររបស់ខ្លួន។
ការលុកលុយពេញមួយខែកុម្ភៈ កាលពីខែកុម្ភៈឆ្នាំមុុន គឺជាការបន្តនៃជម្លោះ ដែលបានបន្តចាប់តាំងពីឆ្នាំ២០១៤ នៅពេលដែលទាហានរុស្ស៊ី បានដណ្តើមយកតំបន់គ្រីមៀ និងផ្នែកខ្លះនៃភាគខាងកើតអ៊ុយក្រែន។
ក្រសួងការបរទេសរុស្ស៊ី កំពុងឆ្លើយតបទៅនឹងសំណើថ្មីៗរបស់អ្នកការទូតជើងចាស់អាល្លឺម៉ង់ Wolfgang Ischinger សម្រាប់សហរដ្ឋអាមេរិក ចក្រភពអង់គ្លេស បារាំង និងអាល្លឺម៉ង់ ដើម្បីបង្កើត “ស្នូល” នៃក្រុមសម្របសម្រួលលោកខាងលិច ដើម្បីស្វែងរកការបញ្ចប់ការប្រយុទ្ធគ្នា។
ក្រសួងបានប្រាប់ RIA Novosti ទៀតថា “ជាផ្លូវការយើងមិនដឹងអ្វីទាំងអស់អំពីគំនិតផ្តួចផ្តើមនេះ” ដោយបន្ថែមថាវាបង្កបញ្ហាជាច្រើន ជាដំបូង ពីព្រោះប្រទេសទាំង៤ ដែលបានលើកឡើងខ្លួនឯង គឺជាភាគីនៃជម្លោះជាមួយរុស្ស៊ី ដែលនៅតែបន្តនៅលើទឹកដីអ៊ុយក្រែន”៕ ប្រែសម្រួល ឈូក បូរ៉ា
