គៀវ ៖ សារព័ត៌មានរបស់លោក ហ្សេឡិនស្គី បានរាយការណ៍ថា ប្រធានាធិបតីអ៊ុយក្រែន លោក វូឡូឌីមៀ ហ្សេឡិនស្គី បានជំរុញឱ្យទៅទស្សនកិច្ច ប្រធានគណៈកម្មការអឺរ៉ុបលោកស្រី Ursula von der Leyen ដើម្បីចាប់ផ្តើមកិច្ចពិភាក្សា ស្តីពីសមាជិកភាពរបស់អ៊ុយក្រែន នៅក្នុងសហភាពអឺរ៉ុប។
លោក ហ្សេឡិនស្គី បានប្រាប់អ្នកយកព័ត៌មាន បន្ទាប់ពីកិច្ចពិភាក្សាជាមួយលោកស្រី von der Leyen នៅរដ្ឋធានីអ៊ុយក្រែនថា “វាដល់ពេលហើយ សម្រាប់ការសម្រេចចិត្តជាវិជ្ជមាន ដើម្បីចាប់ផ្តើមការចរចា ស្តីពីសមាជិកភាពរបស់អ៊ុយក្រែន នៅក្នុងសហភាពអឺរ៉ុប” ។
លោក ហ្សេឡីនស្គី បានលើកឡើងថា ទីក្រុងគៀវ កំពុងពឹងផ្អែកលើការទទួលបានការវាយតម្លៃបណ្តោះអាសន្នជាវិជ្ជមានអំពីវឌ្ឍនភាពរបស់អ៊ុយក្រែន នៅលើផ្លូវនៃសមាហរណកម្មអឺរ៉ុប ដោយគណៈកម្មការអឺរ៉ុបនៅក្នុងខែមិថុនា។
សម្រាប់ផ្នែករបស់លោកស្រី បាននិយាយជាវិជ្ជមានអំពីកិច្ចខិតខំប្រឹងប្រែង របស់អ៊ុយក្រែន ឆ្ពោះទៅរកការបំពេញនូវតម្រូវការទាំង៧ ដែលដាក់ចេញដោយគណៈកម្មការអឺរ៉ុប សម្រាប់ការចាប់ផ្តើមកិច្ចចរចាចូលជាសមាជិក។
លោកស្រី von der Leyen ដែលបានមកដល់ទីក្រុង នៅមុនថ្ងៃនោះបានឲ្យដឹងថា “ខ្ញុំចង់សម្តែងការគោរពយ៉ាងជ្រាលជ្រៅ របស់ខ្ញុំ ចំពោះការងារនេះ។ សូមដឹងថាអ្នកអាចពឹងផ្អែកលើអ្នកជំនាញ និងការគាំទ្ររបស់យើងនៅក្នុងដំណើរការ ដែលកំពុងដំណើរការនេះ” ។
នៅខែមិថុនាឆ្នាំ២០២២ មេដឹកនាំសហភាពអឺរ៉ុប បានទទួលយកអ៊ុយក្រែន ជាបេក្ខជនសម្រាប់សមាជិកភាព នៅក្នុងប្លុកនេះ ។ កាលពីខែមករាឆ្នាំនេះ នាយករដ្ឋមន្ត្រីអ៊ុយក្រែន លោក Denys Shmyhal បានលើកឡើងថា អ៊ុយក្រែន មានបំណងក្លាយជាសមាជិក សហភាពអឺរ៉ុប ក្នុងរយៈពេលពីរឆ្នាំខាងមុខ៕
