បរទេស៖ទីភ្នាក់ងារចិនស៊ិនហួចេញផ្សាយនៅថ្ងៃនេះ បានឲ្យដឹងថាបន្ទាប់ពីរយៈពេល២០ឆ្នាំ នៃបម្រាមប្រទេសឥណ្ឌូនេស៊ីបានបើកផ្លូវក្នុងការអនុញ្ញាតិ ឲ្យច្បាប់ក្នុងការនាំចេញខ្សាច់សាជាថ្មីម្តង ទៀតទៅក្រៅប្រទេសហើយ។
ច្បាប់អំពីការនាំចេញខ្សាច់សមុទ្រត្រូវបានចែង នៅក្រោមបទប្បញ្ញត្តិរបស់រដ្ឋាភិបាលអំពីការគ្រប់គ្រង ផលិតផល sedimentation សមុទ្រ ដែលចែងយ៉ាងខ្លីថាខ្សាច់សមុទ្រអាចប្រើ ប្រាស់សម្រាប់តែតំរូវការក្នុងស្រុក ការអភិវឌ្ឍន៍ហេដ្ឋារចនាសម្ព័ន្ធ សម្រាប់អាជីវកម្មរដ្ឋាភិបាល ការអភិវឌ្ឍន៍ហេដ្ឋារចនាសម្ព័ន្ធ និងការនាំចេញផងដែរ។
យោងតាមប្រព័ន្ធផ្សព្វផ្សាយក្នុងស្រុក បទប្បញ្ញត្តិនេះត្រូវបានចុះហត្ថលេខា ដោយប្រធានាធិបតីឥណ្ឌូនេស៊ី Joko Widodo កាលពីថ្ងៃទី ១៥ ខែឧសភា ហើយបានចូលជាធរមានភ្លាមៗ ចាប់តាំងពីថ្ងៃនោះមកផងដែរ។
គួរឲ្យដឹងដែរថាបទប្បញ្ញត្តិថ្មីនេះ នឹងត្រូវបានដាក់ជំនួសដោយស្វ័យប្រវត្តិនូវ បទប្បញ្ញត្តិពីមុនដែលបានចេញក្នុងឆ្នាំ ២០០៣ ដែលបានហាមឃាត់ការនាំចេញ ខ្សាច់សមុទ្រដោយសារតែមាន ការព្រួយបារម្ភអំពីការនេសាទខុសច្បាប់៕
ប្រែសម្រួល៖ស៊ុនលី
