ភ្នំពេញ ៖ មតិមួយចំនួនលើកឡើងពីករណីលោក កឹម សុខា អតីតមេបក្សប្រឆាំងថា គួរតែទទួលបាន ការលើកលែងទោសពីព្រះមហាក្សត្រកម្ពុជា នាឱកាសបុណ្យអុំទូក អកអំបុក សំពះ ព្រះខែ ប៉ុន្តែលោក សុខ ឥសាន អ្នកនាំពាក្យគណបក្សប្រជាជនកម្ពុជាតបថា គ្មានឡើយការលើកលែងទោស ព្រោះលោក កឹម សុខា គ្មានឈ្មោះនៅក្នុងបញ្ជី។
លោក សុខ ឥសាន បានថ្លែងតាមរយៈតេឡេក្រាម នៅព្រឹកថ្ងៃទី៣០ ខែតុលា ឆ្នាំ២០១៩ថា “ករណី លោក កឹម សុខាកំពុងស្ថិតនៅក្នុងនីតិវិធីរបស់តុលាការ ។ កឹម សុខា ជាមនុស្សមិនទាន់មានទោសទេ។ ដូច្នេះហើយ កឹម សុខា មិនស្ថិតនៅក្នុងបញ្ជីទណ្ឌិត ដែលត្រូវលើកលែងទោសទេ” ។
សូមបញ្ជាក់ថា ក្នុងពិធីបុណ្យអុំទូកឆ្នាំ២០១៩នេះ ទណ្ឌិតចំនួន៩០នាក់ ក្នុងចំណោម ៥១២នាក់ ដែលក្រសួងយុត្តិធម៌ប្រជុំពិនិត្យលើកលែងនិងបន្ធូរបន្ថយទោសនាពេលកន្លងមក ត្រូវបានដាក់ជូនទៅកាន់នាយករដ្ឋមន្រ្តី ដើម្បីថ្វាយទៅព្រះមហាក្សត្រ ព្រះរាជទានលើកលែងទោស និងបន្ធូរបន្ថយដល់ពួកគេ៕
