បរទេស ៖ ការបាញ់ប្រហារ នៅតាមសាលារៀន ក្នុងប្រទេសអាមេរិក បានកើនឡើងដល់កម្រិតខ្ពស់ថ្មី ក្នុងឆ្នាំ២០២១-២០២២ ពោលគឺកើនឡើងទ្វេដង នៃកំណត់ត្រាចាស់ដែលបានកើនឡើងកាលពីឆ្នាំកន្លងទៅ នេះបើយោងតាមទិន្នន័យសហព័ន្ធដែល ទើបចេញផ្សាយថ្មី។
កាសែត RT រុស្សី បានដកស្រង់នូវអត្ថបទនេះ យកមកចេញផ្សាយបន្ត ។ តួលេខរកឃើញដ៏គួរ ឱ្យភ្ញាក់ផ្អើលនេះ ត្រូវបានគូសបញ្ជាក់ នៅក្នុងរបាយការណ៍ ស្តីពីឧក្រិដ្ឋកម្ម និងសុវត្ថិភាពប្រចាំឆ្នាំចុង ក្រោយបំផុត របស់មជ្ឈមណ្ឌលជាតិសម្រាប់ស្ថិតិអប់រំ (NCES) ដែលបានចេញផ្សាយ នៅសប្តាហ៍នេះ ហើយជឿជាក់ថាចំនួន នៃការបាញ់ប្រហារ នៅតាមសាលារៀនចំនួន១៨៨ករណី ជាមួយនឹងអ្នកស្លាប់ និងរបួសបានកើតឡើង នៅក្នុងអំឡុងឆ្នាំសិក្សា ២០២១-២០២២។
របាយការណ៍បាននិយាយថា តួលេខនេះគឺ ខ្ពស់ជាងពីរដងនៃចំនួនខ្ពស់បំផុតបន្ទាប់នៃការបាញ់ប្រហារចំនួន៩៣ដង ដែលត្រូវបានកត់ត្រា កាលពីឆ្នាំមុនហើយដោយ កត់សម្គាល់ថា ឧប្បត្តិហេតុចំនួន៥៧ ក្នុងចំណោមឧបទ្ទវហេតុចំនួន១៨៨ បណ្តាលឱ្យមានអ្នកស្លាប់ យ៉ាងហោចណាស់ម្នាក់ក្នុង មួយករណី។
គួរឲ្យដឹងដែរថាការបាញ់ប្រហារ នៅសាលាបានឃើញការកើនឡើងយ៉ាងខ្លាំង នៅក្នុងសហរដ្ឋអាមេរិក ក្នុងរយៈពេលមួយទសវត្សរ៍ចុងក្រោយនេះ ដោយវាមានចំនួនត្រឹមតែ១៧ ករណីប៉ុណ្ណោះ រាប់ដោយ NCES ចន្លោះឆ្នាំ២០១០និង២០១១ ហើយចាប់តាំងពីឆ្នាំនោះមក ចំនួនបានកើនឡើង ខ្លាំងជាបន្តបន្ទាប់៕
ប្រែសម្រួល៖ស៊ុនលី
