ភូកេត៖ អគ្គស្នងការនគរបាលជាតិ នាយឧត្តមសេនីយ៍ ដាំរ៉ុនសក្តិ កិតិប្រាប៉ាស បាននិយាយថា ការវាយឆ្មក់ផ្ទះរបស់នាយឧត្តមសេនីយ៍ ស៊ូរ៉ាឆាត គឺ មិនពាក់ព័ន្ធនឹងការជ្រើសរើស អ្នកស្នងតំណែងរបស់លោកនោះទេ។
យោងតាមសារព័ត៌មាន The Nation របស់ថៃចេញផ្សាយកាលពីថ្ងៃទី២៥ ខែកញ្ញា ឆ្នាំ២០២៣ បានឱ្យដឹងថា លោក ដាំរ៉ុងសក្តិ ដែលនឹងចូលនិវត្តន៍នៅចុងខែនេះ បាននិយាយថា លោកទើបតែបាន ឮពីការវាយឆ្មក់ចូលឆែកឆេរផ្ទះឧត្តម ស៊ូរ៉ាឆាត កាលពីព្រឹកនេះប៉ុណ្ណោះ។ លោកបានបន្ថែមថា ការឆ្មក់ចូលធ្វើឡើងបន្ទាប់ពីប៉ូលិស ទទួលបានដីកាចាប់ខ្លួនប្រឆាំងនឹង ជនសង្ស័យលេងល្បែងអនឡាញមួយចំនួន។
លោកបានបន្តថា «ប៉ូលិសមិនទាន់ផ្តល់សេចក្តីសង្ខេប នៃប្រតិបត្តិការនៅឡើយទេមុនពេល សន្និសីទសារព័ត៌មានអាចត្រូវបានរៀបចំឡើង។ យើងក៏នឹងរង់ចាំគោលនយោបាយរបស់ នាយករដ្ឋមន្ត្រីលើប្រធានបទនេះដែរ»។
បញ្ជាការរបស់ប៉ូលីសកងកុម៉្មង់ ពិសេសដូមកពីការិយាល័យស៊ើបអង្កេត ឧក្រិដ្ឋកម្មតាមអ៊ីនធឺណិត បានឆ្មក់ចូលផ្ទះរបស់ឧត្តមសេនីយស៊ូរ៉ាឆាត និងផ្ទះប្រាំផ្សេងទៀតដែលគាត់បានទិញ ឱ្យអ្នកក្រោមបង្គាប់របស់គាត់ នៅក្នុងលំនៅដ្ឋានមួយនៅផ្លូវ Soi Vibhavadi 60 កាលពីព្រឹកថ្ងៃចន្ទ។
ឧត្តមសេនីយ ដាំរ៉ុងសក្តិ បានបដិសេធមិនបញ្ជាក់ថាតើ ជនសង្ស័យលេងល្បែងទាំង១១នាក់ នោះមានមន្ត្រីប៉ូលិស ៨នាក់ដែរឬទេ? ដោយលោកបានថ្លែងថា “ខ្ញុំកំពុងរង់ចាំរបាយការណ៍ស៊ើបអង្កេត”។
នៅពេលសួរថាតើការវាយឆ្មក់ ប៉ះពាល់ដល់មុខមាត់របស់ប៉ូលីសថៃដែរឬទេ? លោកឧត្តមសេនីយ ដាំរ៉ុងសក្តិ អគ្គស្នងការនគរបាលជាតិថៃ គ្រាន់តែនិយាយថា ករណីនេះកំពុងត្រូវបានផ្តល់អាទិភាព កំពូលដោយនាយករដ្ឋមន្ត្រីលោក ស្រែថា ថាវីស៊ីន ។
លោកបានបន្តថា៖ «លោកនាយករដ្ឋមន្ត្រីបាន ផ្តល់អាទិភាពចំពោះករណីនេះ ហើយបានសន្យាថា នឹងមានភាពយុត្តិធម៌ចំពោះគ្រប់ភាគីទាំងអស់។
ប្រភពពីប៉ូលីសបាននិយាយថាទីតាំងចំនួន ៣០ រួមទាំងនៅទីក្រុង Bangkok ផងដែរ ត្រូវបានវាយឆ្មក់ បន្ទាប់ពីប៉ូលីសប្រឆាំង ឧក្រិដ្ឋកម្មតាមអ៊ីនធឺណិត ទទួលបានដីកាចាប់ខ្លួនចំនួន ២៣នាក់ ប្រឆាំងនឹងមន្រ្តីប៉ូលីសចំនួន ៨ នាក់ និងជនស៊ីវិល ១៥នាក់ ។ អ្នកទាំង ២៣នាក់នេះត្រូវបានគេសង្ស័យថា ជាអ្នកបើកគេហទំព័រលេងល្បែងអនឡាញ។
ជាមួយគ្នានេះ ឧត្តមសេនីយ៍ទោ ត្រាយរ៉ុង ផៀផាន់ ប្រធានក្រុមការងារប៉ូលីស តាមអ៊ីនធឺណិតបាននិយាយថា ការឆ្មក់ចូលគឺជាផ្នែកមួយនៃ ប្រតិបត្តិការតាមដានបន្ទាប់ពី ការបង្ក្រាបលើគេហទំព័រ betfixroyal.com និងគេហទំព័រចំនួន ១២ ផ្សេងទៀត បណ្តាលឱ្យមានការចាប់ខ្លួន ៣ នាក់ក្នុងខែកក្កដា ៕
ប្រែសម្រួលៈ ណៃ តុលា
