បរទេស៖ ប្រធានាធិបតីចិនលោក Xi Jinping កាលពីថ្ងៃំម្សិលមិញបានថ្លែងទៅកាន់កិច្ច ប្រជុំថ្នាក់រដ្ឋាភិបាលតាមប្រព័ន្ធអនឡាញ និងដោយបានលើកឡើងថាសកលលោកត្រូវតែចូលរួមគ្នា ក្នុងការជួយដល់ការគ្រប់គ្រង នូវកម្រិតហនិភ័យដែលអាចបង្កឡើងដោយបច្ចេកវិទ្យាវ័យឆ្លាតឬ AI នាពេលអនាគត។
លោក Xi បាននិយាយនៅក្នុងសេចក្តីអត្ថាធិប្បាយដែលបានរៀបចំទុកជាមុននិងដែលបានចេញផ្សាយកាលពីថ្ងៃពុធជាផ្នែក នៃពិធីបើកសន្និសីទអ៊ីនធឺណិតពិភពលោកឆ្នាំ២០២៣នៅទីក្រុង Wuzhen ក្នុងខេត្ត Zhejiang ។
គួរឲ្យដឹងដែរថាកាលពីខែមុន រដ្ឋាភិបាលចិនបានប្រកាសពីគំនិតផ្តួចផ្តើមអភិបាលកិច្ច AI ជាសាកលរបស់ខ្លួន ដែលជាសំណើដែលទាមទារឲ្យមានការអភិវឌ្ឍដោយសុវត្ថិភាព និងបើកចំហនៃបច្ចេកវិទ្យា AI។
ប្រទេសជាច្រើន រួមទាំងចិន និងសហរដ្ឋអាមេរិកផងបានរួមបញ្ចូល និងបានព្យាយាមដាក់ច្បាប់លើការអភិវឌ្ឍន៍ AI ដោយមិនមានការរំខាន ចំពេលមានការព្រួយបារម្ភអំពីផលប៉ះពាល់ដែលអាចកើតមាន។
ប្រធានាធិបតីអាមេរិកលោក Joe Biden បានចុះហត្ថលេខាលើច្បាប់កាលពីខែតុលា ក្នុងគោលបំណងលើកកម្ពស់ការអភិវឌ្ឍប្រកបដោយការទទួលខុសត្រូវនៃការច្នៃប្រឌិត AI និងដើម្បីកាត់បន្ថយការព្រួយបារម្ភដែលអាចកើតមានដែលត្រូវបានបំភ្លឺក្នុងប៉ុន្មានខែថ្មីៗនេះ៕
ប្រែសម្រួល៖ស៊ុនលី
