បរទេស៖ ប្រព័ន្ធផ្សព្វផ្សាយអ៊ីស្រាអែលបានអះអាងថា ក្រុមមន្ត្រីមកពីប្រទេសអ៊ីស្រាអែលកំពុងធ្វើការពិភាក្សាដោយសម្ងាត់ជាមួយសាធារណរដ្ឋប្រជាធិបតេយ្យកុងហ្គោ និងប្រទេសអាហ្រ្វិកផ្សេងទៀតអំពីផែនការសម្រាប់ការតាំងទីលំនៅថ្មីរបស់ជនចំណាកស្រុកប៉ាឡេស្ទីនរាប់ពាន់នាក់ពីតំបន់ហ្គាហ្សា។
ផែនការសម្រាប់ការតាំងទីលំនៅថ្មី ដោយស្ម័គ្រចិត្ត របស់ប្រជាជនពីតំបន់ប៉ាឡេស្ទីនដែលត្រូវបានឡោមព័ទ្ធទៅកាន់ប្រទេសអាហ្វ្រិកកណ្តាលគឺ បន្តិចម្តងៗនឹង ក្លាយជាគោលនយោបាយសំខាន់របស់លោកនាយករដ្ឋមន្ត្រីអ៊ីស្រាអែល Benjamin Netanyahu នេះបើយោងតាមកាសែត Times of Israel បានរាយការណ៍កាលពីថ្ងៃពុធដោយដកស្រង់ប្រភពរដ្ឋាភិបាលជាន់ខ្ពស់។
គួរឲ្យដឹងបន្ថែមដែរថា អ៊ីស្រាអែលបានធ្វើការពិភាក្សាជាមួយប្រទេសអាហ្វ្រិកមួយចំនួនដើម្បីកំណត់ថាតើពួកគេនឹងទទួលយកជនចំណាកស្រុកពីតំបន់ហ្កាហ្សាឬអត់។
របាយការណ៍របស់កម្មវិធីស្បៀងអាហារពិភពលោកបាននិយាយថា សាធារណរដ្ឋប្រជាធិបតេយ្យកុងហ្គោមានកម្រិតនៃភាពក្រីក្រ និងវិសមភាពខ្ពស់ ដែលរបាយការណ៍របស់កម្មវិធីស្បៀងអាហារពិភពលោកបាននិយាយថា រួមបញ្ចូលគ្នាជាមួយនឹងជម្លោះក្នុងតំបន់ និងអសន្តិសុខដែលកើតឡើងម្តងទៀត៕ ប្រែសម្រួល៖ស៊ុនលី
