ភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់ថា សម្តេចជាអ្នកមានមនោសញ្ចេតនាជាខ្លាំង ចំពោះបេក្ខជនប្រឡងប្រជែងម្តងៗ ទោះបីមានការអន្តរាគមន៍ពីក្រុមគ្រួសារយ៉ាងណាក្តី គឺអ្នកចេះជាប់។
ក្នុងពិធីសំណេះសំណាលជាមួយ “សិស្សនិទ្ទេស A នាថ្ងៃ៩ មករានេះ សម្តេចធិបតីបញ្ជាក់ថា «ខ្ញុំមានមនោសញ្ចេតនា គឺអ្នកចេះប្រឡងជាប់ ។ ចំណុចនេះ ខ្ញុំមានសម្រាប់ប្អួនៗដែលប្រឡងទាំងអស់គ្នា»។
សម្តេចធិបតីលើកឡើងថា ការធ្វើកំណែទម្រង់ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនេះ ជាមេរៀនមួយល្អដើម្បីយកទៅធ្វើប្រទីប និងជាគំរូនៃការកសាងបរិស្ថានសង្គម។ សម្តេចនាយករដ្ឋមន្ត្រីក៏បានឲ្យដឹងថា ការប្រឡងប្រជែងដែលមានការប្រកួតដោយសមធម៌ បរិយាប័ន ត្រូវបានលើកទឹកចិត្ត គឺអ្នកចេះជាប់៕
