វ៉ាស៊ីនតោន៖ មន្ទីរបញ្ចកោណ បានឲ្យដឹងថា សហរដ្ឋអាមេរិក និងចិន បានបន្តកិច្ចចរចា សម្របសម្រួល គោលនយោបាយការពារជាតិ ដែលត្រូវបានផ្អាកដោយសារតែភាពតានតឹង រវាងប្រទេសទាំងពីរ កើនឡើងក្នុងឆ្នាំ២០២២។
ក្នុងអំឡុងពេល នៃកិច្ចពិភាក្សារយៈពេលពីរថ្ងៃ ចាប់ពីថ្ងៃចន្ទនេះ មន្ត្រីការពារជាតិរងបានពិភាក្សា អំពីបញ្ហាជាច្រើន ចាប់ពីការលើកកម្ពស់ទំនាក់ទំនង យោធាទៅយោធា ដូចដែលបានព្រមព្រៀង ដោយមេដឹកនាំ របស់ពួកគេកាលពីខែវិច្ឆិកា ដល់តៃវ៉ាន់ និងសង្រ្គាមរបស់រុស្ស៊ី ប្រឆាំងនឹងអ៊ុយក្រែន នេះបើយោងតាមក្រសួងការពារជាតិ សហរដ្ឋអាមេរិក។
កិច្ចពិភាក្សានៅមន្ទីរបញ្ចកោណ បានកត់សម្គាល់ជាលើកដំបូង ដែលតំណាងភាគីទាំងពីរ បានជួបផ្ទាល់ក្រោមក្របខណ្ឌ ចាប់តាំងពីខែមករា ឆ្នាំ២០២០ នេះបើយោងតាមមន្ត្រីការពារជាតិជាន់ខ្ពស់ របស់សហរដ្ឋអាមេរិក។
កិច្ចប្រជុំបានធ្វើឡើងតាមកិច្ចព្រមព្រៀង រវាងប្រធានាធិបតីអាមេរិកលោក ចូ បៃដិន និងសមភាគីចិនលោក ស៊ី ជីនពីង កាលពីពាក់កណ្តាលខែវិច្ឆិកា នៅសាន់ហ្វ្រាន់ស៊ីស្កូ ដើម្បីបើកឡើងវិញនូវទំនាក់ទំនងយោធា និងយោធា នៅកម្រិតជាច្រើន។
ទោះបីជាមានជម្លោះ ជាច្រើនផ្នែកក៏ដោយ សហរដ្ឋអាមេរិក និងចិនបានទទួលស្គាល់ ពីតម្រូវការក្នុងការទប់ស្កាត់ ការប្រកួតប្រជែងមិនឱ្យក្លាយទៅជា ជម្លោះដោយផ្ទាល់ នេះបើយោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន។
បណ្តាញទំនាក់ទំនង យោធាកម្រិតខ្ពស់ ត្រូវបានបិទចាប់តាំងពីទីក្រុងប៉េកាំង បានកាត់បន្ថយការតវ៉ានៅក្នុងដំណើរទស្សនកិច្ច ទៅកាន់កោះតៃវ៉ាន់ ដែលបានធ្វើឡើងនៅក្នុងខែសីហា ឆ្នាំ២០២២ ដោយប្រធានសភាតំណាងរាស្រ្ត សហរដ្ឋអាមេរិក លោកស្រី Nancy Pelosi ៕
ប្រែសម្រួល ឈូក បូរ៉ា
