ប៊ែរឡាំង ៖ ឧស្សាហកម្មអាល្លឺម៉ង់ បានទទួលការបញ្ជាទិញតិចជាង ៥,៩ភាគរយក្នុងឆ្នាំ២០២៣ ធៀបនឹងឆ្នាំមុន នេះបើយោងតាមទិន្នន័យបណ្តោះអាសន្ន ដែលចេញផ្សាយដោយការិយាល័យស្ថិតិសហព័ន្ធ (Dstatis) កាលពីថ្ងៃអង្គារ។
ការបញ្ជាទិញចូលក្នុង ឧស្សាហកម្មរថយន្តដែលធំជាងគេ ក្នុងប្រទេសអាល្លឺម៉ង់បានធ្លាក់ចុះ ៤,៥ ភាគរយ។ ទន្ទឹមនឹងនេះដែរ ឧស្សាហកម្មធំបំផុតទីពីរ របស់ប្រទេសគឺវិស្វកម្មមេកានិច បានកត់ត្រាការធ្លាក់ចុះ ១១,៩ភាគរយ។
លោក Ralph Wiechers ប្រធានសេដ្ឋវិទូ នៃសមាគមឧស្សាហកម្មវិស្វកម្ម មេកានិកអាល្លឺម៉ង់ (VDMA) បានឲ្យដឹងកាលពីសប្តាហ៍មុនថា ក្នុងឆ្នាំបច្ចុប្បន្ន អាជីវកម្មរបស់ឧស្សាហកម្មវិស្វកម្មមេកានិក ត្រូវបានគេរំពឹងថានឹង “នៅតែមានបន្ទុកយ៉ាងខ្លាំង”។
លោកបានលើកឡើងថា “យើងគ្រាន់តែត្រូវការអារម្មណ៍កាន់តែប្រសើរឡើង ដែលបន្ទាប់មកនឹងត្រូវបានឆ្លុះបញ្ចាំងនៅក្នុងការបញ្ជាទិញចូល និងប្រហែលជាការលក់ផងដែរ នៅក្នុងឆមាសទីពីរនៃឆ្នាំនេះ”។
សមាគមឧស្សាហកម្មរថយន្តអាល្លឺម៉ង់ (VDA) កំពុងរំពឹងថា ការផលិតរថយន្តក្នុងស្រុកនឹង “ផ្លាស់ប្តូរទៅចំហៀងនៅឆ្នាំនេះ” ជាមួយនឹងរថយន្តចំនួន ៤,១លានគ្រឿងដែលបានផលិតក្នុងឆ្នាំ២០២៣។ “ហេតុផល គឺក្នុងចំណោមរឿងផ្សេងទៀត ភាពទន់ខ្សោយសេដ្ឋកិច្ចទាំងមូល”៕
ប្រែសម្រួល ឈូក បូរ៉ា
