អង់តាលីយ៉ា,តួកគី៖ កាលពីថ្ងៃសុក្រ លោក Sergei Lavrov រដ្ឋមន្ត្រីការបរទេសរុស្ស៊ី បានថ្លែងថា ប្រធានាធិបតីបារាំងមិនបាននិយាយខុស អំពីលទ្ធភាពដែលអង្គការ NATO បញ្ជូនកងទ័ពទៅកាន់អ៊ុយក្រែន ដោយបានកត់សម្គាល់ថា កងទ័ពបានមានវត្តមាននៅទីនោះ ក្រៅផ្លូវការរួចហើយ ។
លោក Lavrov បានលើកឡើងនៅឯវេទិកាការទូតនៅក្រុង Antalya ដែលជាការឆ្លើយតបទៅនឹងការលើកឡើងរបស់ លោកEmmanuel Macron កាលពីថ្ងៃចន្ទថា “ខ្ញុំមិនគិតថា គាត់និយាយខុសទេ” លោក Lavrov បានថ្លែងនៅឯវេទិកាការទូត Antalya ដើម្បីឆ្លើយតបទៅនឹងការលើកឡើងរបស់ Emmanuel Macron កាលពីថ្ងៃចន្ទ ក្នុងនោះគាត់បានថ្លែងថា “អ្វីគ្រប់យ៉ាងដែលចាំបាច់” ត្រូវតែធ្វើដើម្បីធានាការបរាជ័យរបស់រុស្ស៊ី ។ រួមទាំងការដាក់ពង្រាយកងទ័ពផងដែរ ។
![](https://dap-news.com/wp-content/uploads/2024/03/photo_2024-03-02_15-23-52.jpg)
លោករដ្ឋមន្ត្រីការបរទេសរុស្ស៊ីបានថ្លែងថា រុស្ស៊ី មានភស្តុតាងនៃវត្តមានកងទ័ពរបស់អង្គការ NATO នៅក្នុងប្រទេសអ៊ុយក្រែន ហើយលោកបានលើកឡើងពី ការប្រើប្រាស់អាវុធដែលបាញ់ បានចម្ងាយឆ្ងាយរបស់អ៊ុយក្រែន ដែលលោកបានអះអាងថា ប្រទេសនេះខ្វះសមត្ថភាពក្នុងការ ប្រតិបត្តិការដូចមានជាឧទាហរណ៍ស្រាប់ ។
ការលើកឡើងរបស់លោក Macron ត្រូវបានច្រានចោលដោយ ប្រទេសមួយចំនួនរបស់អង្គការ NATO ដែលបានថ្លែងថា ពួកគេមិនមានគម្រោងបញ្ជូន កងទ័ពទៅកាន់ប្រទេសអ៊ុយក្រែន ដើម្បីប្រយុទ្ធប្រឆាំងនឹងរុស្ស៊ីនោះទេ ៕
ប្រែសម្រួលដោយ៖ ម៉ៅ បុប្ផាមករា
![](https://dap-news.com/wp-content/uploads/2020/08/1-1.png)