គៀវ៖ លោក Oleksandr Syrsky អគ្គមេបញ្ជាការនៃកងកម្លាំងប្រដាប់អាវុធអ៊ុយក្រែនបានឲ្យដឹងថា អ៊ុយក្រែនបានចាប់ផ្តើមការបង្វែរកងទ័ពនៅជួរមុខនៃជម្លោះជាមួយរុស្ស៊ី។
លោក Syrsky បានសរសេរនៅលើបណ្ដាញសង្គម Facebook ឲ្យដឹងថា “ទោះបីជាមានស្ថានភាពលំបាកខ្លាំងនៅជួរមុខទាំងមូលក៏ដោយ ពួកយើងអាចចាប់ផ្តើមដំណើរការបង្វិល និងការជំនួសអង្គភាព និងកងពល ដែលបំពេញភារកិច្ចប្រយុទ្ធនៅជួរមុខអស់រយៈពេលជាយូរមកហើយ” ។
លោក Syrsky បានលើកឡើងថា ការបង្វិលនឹងជួយធ្វើឱ្យស្ថានការណ៍នៅសមរភូមិមានស្ថេរភាព ហើយនឹងមានឥទ្ធិពលវិជ្ជមានទៅលើស្ថានភាពសីលធម៌ និងផ្លូវចិត្តរបស់ទាហានអ៊ុយក្រែន។
នៅចុងខែនេះ សភាអ៊ុយក្រែនត្រូវបានគេរំពឹងថានឹងបោះឆ្នោតលើច្បាប់រឹតបន្តឹងច្បាប់នៃការចល័តទ័ពក្នុងប្រទេស។ មុននេះ អាជ្ញាធរអ៊ុយក្រែនបានបញ្ចេញផែនការប្រមូលមនុស្សចន្លោះពី ៤៥ ម៉ឺនទៅ ៥០ ម៉ឺននាក់៕
ប្រែសម្រួល ឈូក បូរ៉ា
