គៀវ៖ រដ្ឋមន្ត្រីការបរទេសអ៊ុយក្រែន លោក Dmytro Kuleba បានស្វាគមន៍ ចំពោះការសម្រេចចិត្តរបស់សហភាពអឺរ៉ុប ក្នុងការបែងចែកប្រាក់បន្ថែមចំនួន ៥ពាន់លានអឺរ៉ូ (ប្រហែល ៥,៤៤ពាន់លានដុល្លារអាមេរិក) សម្រាប់ជំនួយផ្នែកយោធាដល់អ៊ុយក្រែន។
ថ្លែងនៅក្នុងកិច្ចប្រជុំក្រុមប្រឹក្សា កិច្ចការបរទេសសហភាពអឺរ៉ុប លោក Kuleba បានលើកឡើងថា ការផ្លាស់ប្តូរ ដើម្បីដោះសោជំនួយ គឺជាជំហានដ៏សំខាន់ សម្រាប់អ៊ុយក្រែន។
លោក Kuleba ក៏បានថ្លែងអំណរគុណដល់សាធារណរដ្ឋឆេក សម្រាប់ការផ្តួចផ្តើមរបស់ខ្លួនក្នុងការទិញគ្រាប់កាំភ្លើងធំ សម្រាប់អ៊ុយក្រែន និងបានកោតសរសើរ ចំពោះប្រទេសដែលបានចូលរួមគំនិតផ្តួចផ្តើមនេះ។
នៅព្រឹកថ្ងៃដដែល ក្រុមប្រឹក្សាសហភាពអឺរ៉ុប បានបែងចែកប្រាក់ចំនួន ៥ពាន់លានអឺរ៉ូ (ប្រហែល ៥,៤៤ពាន់លានដុល្លារអាមេរិក) សម្រាប់ប្រទេសអ៊ុយក្រែន ក្រោមមូលនិធិសន្តិភាពអឺរ៉ុប (EPF) ។ មូលនិធិនេះនឹងត្រូវប្រើប្រាស់ សម្រាប់ផ្តល់ឲ្យអ៊ុយក្រែននូវឧបករណ៍ និងការបណ្តុះបណ្តាលយោធាដ៍សាហាវ និងគ្មានគ្រោះថ្នាក់។
ចន្លោះឆ្នាំ២០២២ និង ២០២៣ សហភាពអឺរ៉ុបបានកៀងគរប្រាក់ចំនួន ៦,១ពាន់លានអឺរ៉ូ (ប្រហែល ៦,៦៤ពាន់លានដុល្លារអាមេរិក) សម្រាប់ប្រទេសអ៊ុយក្រែន នៅក្រោមមូលនិធិសន្តិភាពអឺរ៉ុប EPF ។
គួរបញ្ជាក់ថា កាលពីខែមុន សាធារណរដ្ឋឆេកបានស្នើទៅ ប្រទេសសហភាពអឺរ៉ុបឲ្យទិញកាំភ្លើងធំចំនួន ៨០០,០០០ គ្រាប់រួមគ្នា ហើយបញ្ជូនទៅឲ្យអ៊ុយក្រែន ៕
ប្រែសម្រួល ឈូក បូរ៉ា
