រុស្ស៊ី៖ ភស្តុតាងបង្ហាញ ពីទំនាក់ទំនង រវាងពួកភេរវករ វាយប្រហារទីក្រុងមូស្គូ និងប្រទេសអ៊ុយក្រែន

មូស្គូ៖ គណៈកម្មាធិការស៊ើបអង្កេតរុស្ស៊ី បានឲ្យដឹងកាលពីថ្ងៃព្រហស្បតិ៍ថា ខ្លួនបានរកឃើញភស្តុតាង ដែលភ្ជាប់ភេរវករពីការវាយប្រហាររបស់សាលាក្រុង Crocus នៅទីក្រុងមូស្គូជាយក្រុងជាមួយ “អ្នកជាតិនិយមអ៊ុយក្រែន” ។

គណៈកម្មាធិការបានឲ្យដឹង នៅលើបណ្ដាញ Telegram ថា “បន្ទាប់ពីធ្វើការជាមួយភេរវករដែលត្រូវបានឃុំខ្លួន សិក្សាឧបករណ៍បច្ចេកទេស ដែលរឹបអូសពីពួកគេ និងការវិភាគព័ត៌មានអំពីប្រតិបត្តិការហិរញ្ញវត្ថុ ភស្តុតាងត្រូវបានទទួលពីទំនាក់ទំនង របស់ពួកគេជាមួយនឹងអ្នកជាតិ និយមអ៊ុយក្រែន” ។

គណៈកម្មាធិការនេះបានឲ្យដឹងថា ខ្លួនបានបញ្ជាក់ពីទិន្នន័យដែលបង្ហាញថា ភេរវករបានទទួល “ចំនួនទឹកប្រាក់ដ៏សំខាន់ និងរូបិយប័ណ្ណគ្រីបតូពីអ៊ុយក្រែន ដែលត្រូវបានប្រើក្នុងការរៀបចំឧក្រិដ្ឋកម្ម”។

គណៈកម្មាធិការក៏បានកត់សម្គាល់ផងដែរ ជនសង្ស័យម្នាក់ទៀត ដែលជាប់ពាក់ព័ន្ធក្នុងគម្រោងហិរញ្ញប្បទានភេរវករ ត្រូវបានគេកំណត់អត្តសញ្ញាណ និងឃាត់ខ្លួន៕
ប្រែសម្រួល ឈូក បូរ៉ា