ម៉ែដោះវៀតណាម វាយក្មេងប្រុសអាយុ៨ខែ ម្នាក់ រហូតដល់ស្លាប់ ដោយសារតែរឿងក្រោកពីដេកយំ

បរទេស៖ ក្មេងប្រុសអាយុ ៨ខែម្នាក់ត្រូវបានម៉ែដោះអាយុ ១៦ឆ្នាំវាយរហូតដល់ស្លាប់នៅឯកន្លែងថែទាំកុមារ Binh Duong ក្នុងប្រទេសវៀតណាម។

យោងតាមសារព័ត៌មាន VN Express ចេញផ្សាយនៅថ្ងៃទី៣ ខែមេសា ឆ្នាំ២០២៤ បានឱ្យដឹងថា ស្រ្តីជាមេដោះនោះឈ្មោះ Le Tran Thuy Vy ត្រូវបានប៉ូលិសក្រុង Ben Cat ចាប់ខ្លួនកាលពីថ្ងៃអង្គារ ដែលជាផ្នែកមួយនៃការស៊ើបអង្កេតលើការស្លាប់របស់ក្មេងប្រុសនេះ។

Le Tran Thuy Vy ជាកូនស្រីរបស់អ្នកស្រី Tran Thi Thuy Hang អាយុ ៣៥ឆ្នាំ ដែលបានមកជួលផ្ទះនៅទីក្រុង Ben Cat ដើម្បីធ្វើជាកន្លែងមើលក្មេង។

នៅថ្ងៃទី២៣ ខែមីនា អ្នកស្រី Tran Thi Thuy Hang បានយល់ព្រមមើលថែកូនពីរនាក់ក្នុងតម្លៃ ១៨០ ដុល្លារ មួយខែ។ នៅម៉ោងប្រហែល ២ រសៀល កាលពីថ្ងៃទី៣០ ខែមីនា, អ្នកស្រី Tran Thi Thuy Hang ត្រូវបានសុំឲ្យវីមើលថែក្មេងប្រុសអាយុ ៨ ខែ។ លុះដល់ម៉ោង៤រសៀល ពេលកូនភ្ញាក់ឡើងក៏យំ ចំណែកឈ្មោះ មេដោះឈ្មោះ Le Tran Thuy Vy ក៏បានវាយក្មេងនោះចំ ពោះ ត្រគាក និងខ្នង ។

ពេលឃើញក្មេងប្រុសលែងមានចលនា ឈ្មោះ Le Tran Thuy Vy បានប្រាប់ម្តាយគឺអ្នកស្រី Tran Thi Thuy Hang អំពីរឿងហេតុ និងបាននាំក្មេងប្រុសទៅមន្ទីរពេទ្យ ។ ទោះជាយ៉ាងណា ក្មេងប្រុសអាយុ៨ខែរូបនោះ គឺបានស្លាប់បាត់ទៅហើយ ៕

ប្រែសម្រួលៈ ណៃ តុលា