ពោធិ៍សាត់៖ ស្ត្រីម្នាក់ត្រូវបានកម្លាំងនគរបាលក្រុងពោធិ៍សាត់ សហការជាមួយកម្លាំងប៉ុស្តិ៍នគរបាលរដ្ឋបាលព្រៃញី ឃាត់ខ្លួនបានកាលពីវេលាម៉ោង ១០ និង ៣៥ នាទីថ្ងៃទី ១៤ ខែ ឧសភា ឆ្នាំ ២០២៤ ស្ថិតនៅផ្ទះរបស់ជនសង្ស័យក្នុងភូមិដូងជ្រុំ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់។
បើតាមរបាយការណ៍របស់អធិការដ្ឋាននគរបាលក្រុងពោធិ៍សាត់បានអោយដឹងថា ស្ត្រីជាជនសង្ស័យមានឈ្មោះប្រាក់ ច័ន្ទសុភា ភេទស្រីអាយុ ៤០ ឆ្នាំ ជនជាតិខ្មែររស់នៅក្នុងភូមិដូងជ្រុំ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់។
របាយការណ៍ដដែលក៍បានអោយដឹងទៀតថា វត្ថុតាងដែលសមត្ថកិច្ចនគរបាលចាប់យកបានរួមមាន:ម្សៅក្រាមពណ៌សថ្លាសង្ស័យជាសារធាតុញៀនចំនួន ១៦ កញ្ចប់ទម្ងន់ ២.៥៥ ក្រាមគិតសាច់ថ្នាំសុទ្ធ ទូរស័ព្ទដៃ ២ គ្រឿង និង កង់អាគុយ ១ គ្រឿង។
បច្ចុប្បន្ន ជនសង្ស័យរួម និង វត្ថុតាងសមត្ថកិច្ចកំពុង កសាងសំណុំរឿងចាត់ការទៅតាមនិតិវិធី៕
