បរទេស៖ យោងតាមការចេញផ្សាយរបស់ RT លោក Grant Shapps រដ្ឋមន្ត្រីក្រសួងការពារជាតិអង់គ្លេស បាននិយាយថាប្រទេសលោកខាងលិច មិនចង់បានការប្រឈមមុខដាក់គ្នា ខាងយោធាដោយផ្ទាល់ ជាមួយរុស្ស៊ីជុំវិញអ៊ុយក្រែននោះទេ។
លោកក៏បានលើកឡើងដែរថា ទីក្រុងប៊ែរឡាំងមិនមានឆន្ទៈក្នុងការ ផ្តល់មីស៊ីលរយៈចម្ងាយឆ្ងាយ របស់ខ្លួនដល់ទីក្រុងគៀវទេ ដោយសារខ្លាចថាពួកវានឹងត្រូវប្រើ ដើម្បីវាយប្រហារគោលដៅរុស្ស៊ីនៅគ្រីមៀ។
កាលពីថ្ងៃអង្គារ Shapps បាននិយាយថា ចក្រភពអង់គ្លេសមិនមានបញ្ហាជាមួយនឹង អាវុធរបស់ខ្លួនដែលត្រូវបាន ប្រើប្រាស់ដោយអ៊ុយក្រែន ដើម្បីវាយប្រហារឧបទ្វីប ដែលបានចូលរួមជាមួយរុស្ស៊ីក្នុងឆ្នាំ២០១៤ បន្ទាប់ពីការធ្វើប្រជាមតិមួយនោះទេ។
យ៉ាងណាមិញ ប្រទេសភាគច្រើនមិនទទួលស្គាល់ ទឹកដីនេះថាជារុស្ស៊ីទេហើយ កាលពីដើមខែនេះ រដ្ឋមន្ត្រីការបរទេសអង់គ្លេសលោក David Cameron ក៏បានផ្តល់ភ្លើងខៀវដល់អាវុធដែលផលិត ដោយចក្រភពអង់គ្លេសដែលកំពុងត្រូវបាន ដាក់ពង្រាយដើម្បីធ្វើការវាយប្រហារ យ៉ាងជ្រៅនៅក្នុងប្រទេសរុស្ស៊ីផងដែរ ៕
ប្រែសម្រួល៖ ស៊ុន លី
![](https://dap-news.com/wp-content/uploads/2020/08/1-1.png)