បរទេស៖ ប្រធានសភាអាមេរិកមកពី គណបក្សសាធារណរដ្ឋ លោក Mike Johnson បាននិយាយនៅថ្ងៃព្រហស្បតិ៍ថា នាយករដ្ឋមន្ត្រីអ៊ីស្រាអែល Benjamin Netanyahu នឹងថ្លែងសុន្ទរកថាក្នុងកិច្ចប្រជុំរួមនៃសភា ចំពេលមានភាពតានតឹងកាន់តែខ្លាំងឡើង ជាមួយប្រធានាធិបតី Joe Biden ជុំវិញការដោះស្រាយសង្គ្រាមរបស់ មេដឹកនាំអ៊ីស្រាអែលនៅតំបន់ហ្គាហ្សា។
យោងតាមសារព័ត៌មាន Reuters ចេញផ្សាយនៅថ្ងៃទី២៤ ខែឧសភា ឆ្នាំ២០២៤ បានឱ្យដឹងថា ថ្លែងសុន្ទរកថានៅឯពិធីទទួលបុណ្យឯករាជ្យ ប្រចាំឆ្នាំរបស់ស្ថានទូតអ៊ីស្រាអែល, លោក Johnson ដែលជាសមាជិកសភាកំពូល នៃគណបក្សសាធារណរដ្ឋ និងជាអ្នករិះគន់គោលនយោបាយ ប្រជាធិបតេយ្យអ៊ីស្រាអែលរបស់ប្រធានាធិបតី បាននិយាយថា វានឹងជា “ការបង្ហាញយ៉ាងខ្លាំងនៃការគាំទ្រសម្រាប់ រដ្ឋាភិបាលអ៊ីស្រាអែលក្នុងគ្រាដែលត្រូវការបំផុត។ ”
សុន្ទរកថាបែបនេះប្រាកដជា ធ្វើឱ្យអ្នកប្រជាធិបតេយ្យជឿនលឿន មួយចំនួនរិះគន់យុទ្ធនាការយោធា របស់អ៊ីស្រាអែលនៅហ្គាហ្សា និងការគាំទ្ររបស់លោក Biden ។ លោក Netanyahu បានភ្ជាប់ខ្លួនគាត់យ៉ាងជិតស្និទ្ធ ជាមួយនឹងគណបក្សសាធារណរដ្ឋ។
ការជួបជុំការទូតនៅទីក្រុងវ៉ាស៊ីនតោន បានកើតឡើងចំពេលមានភាពតានតឹងរវាងលោក Biden និងលោក Netanyahu ជុំវិញការជំរុញរបស់សហរដ្ឋអាមេរិក ឱ្យអ៊ីស្រាអែលធ្វើបន្ថែមទៀតដើម្បីការពារជនស៊ីវិលប៉ាឡេស្ទីនក្នុងសង្គ្រាមប្រឆាំងនឹងពួកសកម្មប្រយុទ្ធហាម៉ាសនៅតំបន់ហ្គាហ្សា។
អ្នកតំណាង Pete Aguilar ដែលបានចែករំលែកវេទិកាដ៏ល្បីមួយជាមួយលោក Johnson នៅក្នុងព្រឹត្តិការណ៍ដែលកាន់តែយ៉ាប់យ៉ឺន ក្រោមស្រមោលនៃសង្រ្គាមហ្គាហ្សា។ លោកបាននិយាយថា “ក្នុងនាមជាជនជាតិអាមេរិក យើងបញ្ជាក់ឡើងវិញនូវការប្តេជ្ញាចិត្ត របស់យើងចំពោះអធិបតេយ្យភាពរបស់អ៊ីស្រាអែល” ៕
ប្រែសម្រួលៈ ណៃ តុលា
