តូក្យូ៖ នៅពេលដែលជប៉ុនស្វែងរក ការជំរុញកិច្ចសហប្រតិបត្តិការលើ វិស័យការពារជាតិជាមួយហ្វីលីពីន ចំពេលមានជម្លោះដែនទឹកម៉ានីល-ប៉េកាំង ដែលបានបង្កើនភាពតានតឹង នៅក្នុងសមុទ្រចិនខាងត្បូង អ្នកជំនាញកំពុងផ្តល់ប្រឹក្សាដល់ទីក្រុងតូក្យូ ឱ្យចាត់វិធានការប្រុងប្រយ័ត្នមួយ ខណៈដែលតំបន់មានតុល្យភាពរបៀបវារៈ ប្រកួតប្រជែងរបស់ចិន និងសហរដ្ឋអាមេរិក។
ភាពតានតឹងនាពេលថ្មីៗនេះ នៃអរិភាពរវាងហ្វីលីពីន និងចិន នៅក្នុងដែនទឹកមានជម្លោះត្រូវបាន គូសបញ្ជាក់នៅក្នុងកិច្ចប្រជុំកំពូល សន្តិសុខអាស៊ីឆ្នាំនេះ ដែលប្រធានាធិបតីហ្វីលីពីនលោក Ferdinand Marcos Jr. បានរំលោភទីក្រុងប៉េកាំង ចំពោះ “សកម្មភាពខុសច្បាប់ និងបង្ខិតបង្ខំ” ហើយបានប្រកែកយ៉ាងខ្លាំង ចំពោះការការពារច្បាប់ តាមលំដាប់លំដោយ នៅក្នុងសុន្ទរកថារបស់លោក។
ប្រទេសជប៉ុន បានចូលរួមកិច្ចខិតខំប្រឹងប្រែង ដែលដឹកនាំដោយសហរដ្ឋអាមេរិក ក្នុងការពង្រឹងទំនាក់ទំនងផ្នែកការពារជាតិ ជាមួយហ្វីលីពីននៅក្នុងសកម្មភាពមួយ ដែលត្រូវបានគេមើលឃើញថាជាការជំរុញឱ្យមានការប្រឆាំងនឹងមហិច្ឆតារបស់ចិននៅក្នុងតំបន់ឥណ្ឌូប៉ាស៊ីហ្វិក។
ទីក្រុងប៉េកាំង បានទាមទារស្ទើរតែទាំងស្រុងនូវ តំបន់ទាំងមូលនៃសមុទ្រចិនខាងត្បូង ដែលសម្បូរធនធាន និងមានជម្លោះទឹកដីជាបន្តបន្ទាប់ ជាមួយរដ្ឋរាប់បញ្ចូលទាំងប្រទេសវៀតណាម និងម៉ាឡេស៊ី។
ក្រុងម៉ានីល អះអាងពីសិទ្ធិអធិបតេយ្យភាព របស់ខ្លួននៅសមុទ្រចិនខាងត្បូង ហើយវាបានចាប់ផ្តើមហៅផ្នែកខ្លះ នៃសមុទ្រក្នុងតំបន់សេដ្ឋកិច្ច ផ្តាច់មុខរបស់ប្រទេសនេះថា “សមុទ្រហ្វីលីពីនខាងលិច” ក្នុងឆ្នាំ២០១២៕
ប្រែសម្រួល ឈូក បូរ៉ា
