បរទេស ៖ យោងតាមការចេញ ផ្សាយរបស់ RT អតីតប្រធានាធិបតីរុស្ស៊ី លោក Medvedev បាននិយាយ កាលពីថ្ងៃព្រហស្បតិ៍ថា ទីក្រុងមូស្គូបានត្រៀមខ្លួន ជាស្រេចដើម្បីបំពាក់អាវុធដល់ សត្រូវរបស់សហរដ្ឋអាមេរិក ដើម្បីឆ្លើយតបទៅនឹងទីក្រុងវ៉ាស៊ីនតោន និងសម្ព័ន្ធមិត្តរបស់ខ្លួន ដែលបានបញ្ជូនអាវុធ ទៅកាន់អ៊ុយក្រែន។
ប្រធានាធិបតី Vladimir Putin បានលើកឡើង អំពីលទ្ធភាពនៃការឆ្លើយតបមិនសមមាត្រ បែបនេះ នៅក្នុងកិច្ចប្រជុំ កាលពីថ្ងៃពុធ ជាមួយទីភ្នាក់ងារ សារព័ត៌មានបរទេស ប៉ុន្តែបានចង្អុលបង្ហាញថា ការផ្តល់យោបល់នេះគឺ ស្ថិតនៅក្រោមការពិចារណាប៉ុណ្ណោះ។
រហូតមកដល់ពេលនេះ គាត់បាននិយាយថា ៖ក្រុមបក្សពួករបស់ពួកគេ មិនមានមានអារម្មណ៍ថា ខុសឆ្គង់ឡើយនិង មានសិទ្ធិក្នុងការបញ្ជូន អាវុធគ្រប់ប្រភេទ ទៅកាន់អ៊ុយក្រែន ដើម្បីបំផ្លាញប្រទេសរុស្ស៊ី តាមគ្រប់មធ្យោបាយ ដែលអាចធ្វើទៅបាន ហើយថែមទាំងគំរាមកំហែង ដល់នរណាម្នាក់ ដែលនឹងផ្តល់ឱ្យទីក្រុងមូស្គូនូវអាវុធ ឬសម្ភារៈផ្សេងទៀត សម្រាប់ការពារខ្លួនទៀតផង។
សហរដ្ឋអាមេរិក និងសម្ព័ន្ធមិត្តបានទទូច ជាយូរមកហើយថា ការផ្តល់អាវុធ និងបរិក្ខារដល់អ៊ុយក្រែន មិនបានធ្វើឲ្យពួកគេក្លាយជាភាគីជម្លោះជាមួយរុស្ស៊ីទេ ហើយដើម្បីរក្សាការយល់ឃើញនោះ ពួកគេបានប្រកាសពីការរឹតបន្តឹងមួយ ចំនួនលើការប្រើប្រាស់អាវុធ របស់ពួកគេដោយទីក្រុងគៀវ ។
យ៉ាងណាក៏ដោយក្នុង មួយសប្តាហ៍កន្លងទៅនេះ បន្ទាប់ពីយុទ្ធនាការដាក់សម្ពាធ ដឹកនាំដោយអង់គ្លេស ប្រទេសណាតូភាគច្រើនបានបំភ្លឺភ្លើងខៀវ ចំពោះការវាយប្រហារ របស់អ៊ុយក្រែនចំពោះអ្វីដែលពួកគេចាត់ទុកថា ជាទឹកដីរុស្ស៊ី៕
ប្រែសម្រួល៖ស៊ុនលី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
