បរទេស៖យោងតាមការចេញផ្សាយរបស់ RT អាជ្ញាធររៀបចំការបោះឆ្នោតជាតិនៃប្រទេសអ៊ីរ៉ង់បានប្រកាសកាលពីថ្ងៃសៅរ៍ថា បេក្ខជនអ្នកជំនាញកំណែទម្រង់លោក Masoud Pezeshkian បានឈ្នះការបោះឆ្នោតប្រធានាធិបតីអ៊ីរ៉ង់ ដោយទទួលបានសំឡេងគាំទ្រដល់ទៅ៥៣,៣ភាគរយ។
ប្រភពដដែលបានឲ្យដឹងថាការរាប់សន្លឹកឆ្នោតទាំងអស់ លោក Pezeshkian ទទួលបានសំឡេងគាំទ្រសរុប ១៦.,៤លានសំឡេង ខណៈដែលគូប្រជែងទទួលបាន១៣,៥លានសំឡេងនៃអ្នកចូលរួមបោះឆ្នោត៣០,៥លាននាក់ ឬត្រូវជា៤៩,៨ភាគរយនៃអ្នកដែលមានសិទ្ធិបោះឆ្នោតចំនួន៦១លាននាក់ ។
រំលឹកដែរថាការបោះឆ្នោតស្រួចត្រូវបានគេរៀបចំឡើងវិញទាំងស្រុងនៅក្រោយការស្លាប់របស់ប្រធានាធិបតី Ebrahim Raisi ក្នុងការធ្លាក់ឧទ្ធម្ភាគចក្រនៅខេត្តអាស៊ែបៃហ្សង់ភាគខាងកើតរបស់ប្រទេសអ៊ីរ៉ង់កាលពីថ្ងៃទី ១៩ ខែឧសភា។
យោងតាមច្បាប់របស់អ៊ីរ៉ង់ បេក្ខជនត្រូវទទួលបានយ៉ាងហោចណាស់៥០ភាគរយបូកមួយដូច្នេះហើយ បន្ទាប់ពីគ្មានបេក្ខជនណាសម្រេចបានលទ្ធផលនេះក្នុងជុំទីមួយនៅថ្ងៃទី២៨ខែមិថុនា ការបោះឆ្នោតបានឈានទៅដល់ការប្រដេញគ្នារវាងបេក្ខជនកំពូលទាំងពីរ។
លោកPezeshkian អាយុ៦៩ឆ្នាំគឺជាគ្រូពេទ្យវះកាត់បេះដូងហើយ ប្រែក្លាយ ខ្លួនទៅជា អ្នកនយោបាយដែលបានបម្រើការជារដ្ឋមន្ត្រីសុខាភិបាលក្នុងទសវត្សរ៍ឆ្នាំ២០០០និងជាអនុប្រធានទីមួយនៃសភាពីឆ្នាំ២០១៦ ដល់ឆ្នាំ២០២០៕
ប្រែសម្រួល៖ស៊ុនលី
