បរទេស ៖ យោងតាមការ ចេញផ្សាយរបស់ RT អ្នកនាំពាក្យវិមាន ក្រឹមឡាំង លោក Dmitry Peskov បាននិយាយថា ការលុកលុយរបស់អ៊ុយក្រែន ចូលទៅក្នុងតំបន់ Kursk របស់រុស្ស៊ី បានបង្កើនភាពតានតឹង នៃដែនកំណត់មួយហើយ អតីតប្រធានាធិបតីអាមេរិក លោក Donald Trump ពិតជាលើកឡើងបានត្រឹមត្រូវក្នុងការព្រមានថា ស្ថានការណ៍អាចឈានដល់ សង្គ្រាមលោកលើកទី៣ ។
នៅក្នុងសុន្ទរកថាមួយនៅឯសន្និសីទ ប្រចាំឆ្នាំរបស់សមាគមឆ្មាំជាតិ នៅទីក្រុង Detroit កាលពីថ្ងៃចន្ទ លោក Trump បានអះអាងថា សហរដ្ឋអាមេរិកមិន ដែលខិតទៅជិតសង្គ្រាមលោកលើកទី៣ ជាងពេលបច្ចុប្បន្ននេះឡើយ។
លោកបានបន្តថា ៖ មើលអ្វីដែលកំពុងកើតឡើង នៅពេលនេះជាមួយអ៊ុយក្រែន។ ពួកគេកំពុងកើនឡើងក្នុងប្រទេសរុស្ស៊ីមែនទេ? អ្នកទាំងអស់នឹងបញ្ចប់ទៅនៅក្នុងសង្គ្រាមលោកលើកទី៣ ហើយវានឹងក្លាយជារឿងអាក្រក់បំផុត។
ថ្លែងទៅកាន់អ្នកសារព័ត៌មាន កាលពីថ្ងៃពុធ លោក Peskov បាននិយាយថា៖ការបាញ់ប្រហារបែបនេះនៅក្នុងតំបន់ Kursk គឺជាសកម្មភាព ដែលបង្កើនភាពតានតឹង ដល់កម្រិតកំណត់។ ដូច្នេះហើយមានមូលហេតុសម្រាប់ការព្រួយបារម្ភ ហើយនៅក្នុងករណីនេះ ការប្រកាសអាសន្នបែបនេះ ប្រហែលជាអាចត្រូវបានចាត់ទុកថា គួរឲ្យយើងពិចារណាបាន។
រំលឹកឡើងវិញដែរថាលោក Trump តែងតែបានលើកឡើង កាលពីឆ្នាំមុនថា គោលនយោបាយអ៊ុយក្រែន របស់ប្រធានាធិបតី Joe Biden កំពុងអូសសហរដ្ឋអាមេរិក ចូលទៅក្នុងសង្រ្គាមលោកលើកទី៣ ហើយថាលោកនឹងដោះស្រាយជម្លោះនេះ នៅត្រឹមតែរយៈពេល ២៤ម៉ោងប៉ុណ្ណោះប្រសិនបើគាត់ជាប់ឆ្នោត ជាប្រធានាធិបតីក្នុងខែវិច្ឆិកានេះ ៕
ប្រែសម្រួល៖ស៊ុនលី
