ភ្នំពេញ ៖ លោកបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារ អភិវឌ្ឍន៍ជនបទនិងកសិកម្ម បានផ្តល់ការណែនាំ ក៏ដូចជាគាំទ្រ ជាគោលការណ៍ និងជួយសម្របសម្រួលទំនាក់ទំនងរវាង អាណាចក្រផលិតផលខ្មែរ និង សហគមន៍ដាំបន្លែ ចិញ្ចឹមសត្វ ដែលជាអតិថិជនដៃគូ របស់ធនាគារ ARDB ដើម្បីសហការជំរុញលើគម្រោងការ រៀបចំឱ្យមានប្រព័ន្ធទីផ្សារបោះដុំបន្លែ និងផលិតផលកសិកម្មក្នុងស្រុក ។
ការគាំទ្ររបស់អគ្គនាយកធនាគារ អភិវឌ្ឍន៍ជនបទនិងកសិកម្ម ខាងលើនេះ បន្ទាប់ពីក្រុមហ៊ុនអាណាចក្រផលិតផលខ្មែរ ទទួលការអនុញ្ញាត ដើម្បីធ្វើបទបង្ហាញ អំពីទស្សនៈវិស័យរបស់ខ្លួន ស្តីអំពីការរៀបចំឱ្យមានប្រព័ន្ធទីផ្សារបោះដុំបន្លែ និងផលិតផលកសិកម្មក្នុងស្រុក ដើម្បីជួយលើកកម្ពស់ ការផលិតប្រកបដោយគុណភាព មាននិរន្តរភាព និងតម្លៃសមរម្យ ផ្តល់ជូនអតិថិជន អ្នកលក់បន្ត ភោជនីយដ្ឋាន សណ្ឋាគារ នៅក្នុងប្រទេស និងក៍ដូចជាធ្វើការនាំចេញទៅក្រៅប្រទេស នៅថ្ងៃទី១៩ ខែកញ្ញា ឆ្នំា២០២៤នេះ នៅទីស្តាក់ការកណ្តាលរបស់ធនាគារ ARDB។
នៅក្នុងការធ្វើបទបង្ហាញនោះផងដែរ, លោកបណ្ឌិត ប្រតិភូបានផ្តល់ការណែនាំ ក៍ដូចជាគំាទ្រជាគោលការណ៍ និងជួយសម្របសម្រួលទំនាក់ទំនងរវាង អាណាចក្រផលិតផលខ្មែរ និងសហគមន៍ដំាបន្លែ ចិញ្ចឹមសត្វ ដែលជាអតិថិជនដៃគូរបស់ធនាគារ ARDB ដើម្បីសហការជំរុញលើគម្រោងការនេះ៕
