បរទេស ៖ យោងតាមការចេញផ្សាយ របស់ទីភ្នាក់ងារចិនស៊ិនហួ បានឲ្យដឹងថារដ្ឋមន្ត្រីក្រសួងការពារជាតិ អាមេរិកលោក Lloyd Austin បានធ្វើដំណើរមកដល់ទឹកដី ប្រទេសអ៊ុយក្រែន កាលពីថ្ងៃចន្ទម្សិលមិញនេះ ខណៈដែលសហរដ្ឋអាមេរិក កំពុងប្រញាប់ប្រញាល់ អនុម័តកញ្ចប់ជំនួយទាំងឡាយមុនការបោះឆ្នោត របស់ខ្លួននឹងឈានចូលមកដល់។
នៅអំឡូងពេល ដែលលោករដ្ឋមន្ត្រីបំពេញ ទស្សនកិច្ចនៅអ៊ុយក្រែនគេជឿជាក់ថាលោក Austin នឹងត្រូវជួបជាមួយនឹងប្រធានាធិបតីអ៊ុយក្រែន Vladimir Zelensky និងក៏ដូចជារដ្ឋមន្ត្រី ក្រសួងការពារជាតិ អ៊ុយក្រែន Rustem Umerov ផងដែរ។
តាមផែនការជំនួបទេ្វភាគី នឹងត្រូវបានគេមើលឃើញថា ត្រូវពិភាក្សាទៅលើកញ្ចប់ជំនួយយោធា ដែលអាមេរិកគ្រោងនឹងផ្តល់ឲ្យទៅអ៊ុយក្រែន នៅឆ្នាំក្រោយហើយការប៉ុនប៉ងនេះ ត្រូវបានគេមើលឃើញដែរថា ធ្វើឡើងយ៉ាងប្រញាប់ប្រញាល់ ព្រោះបារម្ភថាប្រសិនបើមានការប្រែប្រួលនោះ ប្រធានាធិបតអាមេរិកថ្មីនឹង អាចសម្រេចចិត្តដកជំនួយទាំងនោះមកវិញ។
គួរឲ្យដឹងដែឬថាគិតចាប់តាំងតែពីបានឡើង កាន់តំណែងជារដ្ឋមន្ត្រីក្រសួងការពារជាតិអាមេរិកមកលោក Austin បានបំពេញទស្សនកិច្ចមកកាន់ប្រទេស អ៊ុយក្រែននេះគឺជាលើកទី៤ហើយរួមទាំងលើកនេះ៕
ប្រែសម្រួល៖ស៊ុនលី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
