បរទេស៖ យោងតាមការចេញផ្សាយរបស់ RT រដ្ឋមន្ត្រីក្រសួងហិរញ្ញវត្ថុលោក Anton Siluanov បាននិយាយថា ប្រទេសរុស្សីនឹងឆ្លើយតបដោយសប្បុរស ចំពោះការប្រើប្រាស់របស់បស្ចិមប្រទេស លើប្រាក់ចំណូលដែលបង្កើតឡើង ដោយទុនបំរុងរបស់ធនាគារកណ្តាល ដែលបង្កករបស់ខ្លួន។
សហរដ្ឋអាមេរិក និងសម្ព័ន្ធមិត្តបានរារាំង ទ្រព្យសម្បត្តិប្រមាណ ៣០០ពាន់លានដុល្លារ ដែលជាកម្មសិទ្ធិរបស់ធនាគារកណ្តាលរុស្ស៊ី ចាប់តាំងពីមានការកើនឡើង នៃជម្លោះអ៊ុយក្រែនក្នុងខែកុម្ភៈ ឆ្នាំ២០២២។
មូលនិធិភាគច្រើនប្រហែល ១៩៧ពាន់លានអឺរ៉ូ ឬត្រូវជា២១៣ពាន់លានដុល្លារ កំពុងត្រូវបានរក្សាទុកនៅឯការិយាល័យបោសសំអាត Euroclear ដែលមានមូលដ្ឋាននៅទីក្រុងប្រ៊ូសែល។
កាលពីថ្ងៃពុធ រដ្ឋាភិបាលក្រុងវ៉ាស៊ីនតោន បានប្រកាសពីការសម្រេចចិត្តប្រើប្រាក់ចំណូល ពីទ្រព្យសកម្មដែលត្រូវបានគេបង្កក ដើម្បីសងប្រាក់កម្ចីរាប់ពាន់លានដុល្លារ ដល់ក្រុងគៀវផងដែរ។
លោក Siluanov បានប្រាប់អ្នកយកព័ត៌មានកាលពីថ្ងៃព្រហស្បតិ៍ថា ៖ប្រសិនបើបណ្តាប្រទេសលោកខាងលិច បានចាប់ផ្តើមប្រើប្រាស់ប្រាក់ចំណូលពី ទុនបំរុងរបស់រុស្ស៊ីដែលបង្កកនោះ យើងនឹងធ្វើដូចគ្នា។ យើងបានបង្កកប្រាក់ពីក្រុមហ៊ុន និងអង្គការក្រៅរដ្ឋាភិបាលផងហើយ យើងនឹងរក្សាប្រាក់នេះក្នុងគណនីរបស់យើងដូចគ្នា ហើយនឹងប្រើប្រាក់ចំណូលពីទ្រព្យសកម្មទាំងនេះដូចគ្នា៕
ប្រែសម្រួល៖ ស៊ុន លី
