បរទេស៖ យោធាអ៊ីស្រាអែលនិយាយថា ខ្លួនបានចាប់ផ្តើមធ្វើការវាយប្រហារពីដែនអាកាស លើគោលដៅយោធានៅក្នុងប្រទេសអ៊ីរ៉ង់ ខណៈប្រព័ន្ធផ្សព្វផ្សាយអ៊ីរ៉ង់បានរាយការណ៍ ពីការផ្ទុះជាច្រើននៅរដ្ឋធានីតេហេរ៉ង់ និងទីក្រុងខារ៉ាចានៅព្រឹកថ្ងៃសៅរ៍នេះ។
យោងតាមសារព័ត៌មាន VOA ចេញផ្សាយនៅថ្ងៃទី២៥ ខែតុលា ឆ្នាំ២០២៤ បានឱ្យដឹងថា កងកំលាំងការពារអ៊ីស្រាអែលបាននិយាយនៅក្នុងការប្រកាសលើ X ថា ខ្លួនកំពុងធ្វើ “ការវាយប្រហារពីអាកាសលើគោលដៅយោធា” នៅអ៊ីរ៉ង់ ប៉ុន្តែមិនបានបញ្ជាក់លម្អិតទេ។
សេចក្តីថ្លែងការណ៍បាននិយាយថា ដូចជាប្រទេសអធិបតេយ្យភាពដទៃទៀតនៅលើពិភពលោកដែរ រដ្ឋអ៊ីស្រាអែលមានសិទ្ធិត្រឹមត្រូវនិងកាតព្វកិច្ចឆ្លើយតប “, របបនេះនៅក្នុងប្រទេសអ៊ីរ៉ង់និងប្រូកស៊ីរបស់ខ្លួននៅក្នុងតំបន់បានវាយប្រហារប្រទេសអ៊ីស្រាអែលដោយឥតឈប់ឈរចាប់តាំងពីថ្ងៃទី ៧ ខែតុលា – នៅលើរណសិរ្សប្រាំពីរក្នុងនោះមានការវាយប្រហារដោយផ្ទាល់ពីដែនដីអ៊ីរ៉ង់។
ការវាយប្រហារពីដែនអាកាស របស់អ៊ីស្រាអែលនៅពេលនេះ បានកើតឡើង ក្នុងពេលដែលរដ្ឋលេខាធិការរបស់សហរដ្ឋអាមេរិក Antony Blinken បានត្រឡប់ទៅអាមេរិកវិញ បន្ទាប់ពីដំណើរចុងក្រោយរបស់គាត់ចុងក្រោយរបស់គាត់នៅមជ្ឈឹមបូព៌ា។
VOA បានសួរក្រុមប្រឹក្សាសន្តិសុខជាតិថាតើលោកប្រធាន Joe Biden បានរាយការណ៍សង្ខេបអំពីការបំផ្ទុះនៅអ៊ីរ៉ង់ដែរឬទេ។ អ្នកនាំពាក្យ Sean Savett មិនបានឆ្លើយតបដោយផ្ទាល់ទេប៉ុន្តែបានទទួលស្គាល់ការវាយប្រហារនេះ៕
ប្រែសម្រួលៈ ណៃ តុលា
