តូក្យូ៖ នាយករដ្ឋមន្ត្រីលោក Shigeru Ishiba ត្រៀមខ្លួន ដើម្បីរក្សាតំណែងនាយករដ្ឋមន្ត្រីរបស់លោក នៅក្នុងការបោះឆ្នោតសភា នៅថ្ងៃចន្ទនេះ និងបង្កើតគណៈរដ្ឋមន្ត្រី ខណៈដែលសម័យប្រជុំពិសេសរយៈពេល ៤ថ្ងៃចាប់ផ្តើម បន្ទាប់ពីការបោះឆ្នោតសកលកាលពីខែមុន នេះបើយោងតាមការចុះផ្សាយរបស់ ទីភ្នាក់ងារសារព័ត៌ក្យូដូជប៉ុន។
ការបោះឆ្នោតជ្រើសរើសនាយករដ្ឋមន្ត្រី ដែលត្រូវតែធ្វើឡើងបន្ទាប់ពីការបោះឆ្នោតសកល ត្រូវបានគេរំពឹងថា នឹងបន្តទៅការបោះឆ្នោតជាលើកដំបូងក្នុងរយៈពេល ៣ទសវត្សរ៍។ លោក Ishiba ដែលជាប្រធានគណបក្សប្រជាធិបតេយ្យសេរី គ្រោងនឹងប្រកួតប្រជែងជាមួយលោក Yoshihiko Noda មេដឹកនាំគណបក្សប្រឆាំងរដ្ឋធម្មនុញ្ញ ដ៏សំខាន់របស់ប្រទេសជប៉ុន ។
ទាំងគណបក្ស LDP និងគណបក្ស CDPJ មិនមានសំឡេងភាគច្រើនទាំងស្រុង នៅក្នុងសភាជាន់ទាប ដែលមានសមាជិក ៤៦៥ រូបនោះទេ ប៉ុន្តែលោក Ishiba ត្រូវបានគេរំពឹងថា នឹងទទួលបានសំឡេងគាំទ្រច្រើនជាងលោក Noda ហើយបន្តកាន់តំណែង ព្រោះបេក្ខជន ដែលទទួលបានសំឡេងច្រើនជាងគេ ក្នុងការបោះឆ្នោតនឹងជាអ្នកឈ្នះ។
ការរំពឹងទុកនៃរដ្ឋាភិបាលភាគតិច មានន័យថាគណបក្ស LDP របស់លោក Ishiba និងដៃគូចម្រុះរបស់ខ្លួនគឺគណបក្ស Komeito ចាំបាច់ត្រូវយកចិត្តទុកដាក់បន្ថែមទៀត ចំពោះការទាមទារសំឡេងបន្ថែមពីប្លុកប្រឆាំង ដែលបានពង្រឹងចាប់តាំងពីការបោះឆ្នោត ថ្ងៃទី២៧ ខែតុលា៕
