បរទេស ៖ យោងតាមការចេញផ្សាយរបស់ RT អតីតនាយករដ្ឋមន្ត្រី អង់គ្លេស លោក Boris Johnson បានប្រាប់ GB News នៅក្នុងបទសម្ភាសន៍មួយ ដែលបានចេញផ្សាយ កាលពីថ្ងៃអង្គារថា ចក្រភពអង់គ្លេស នឹងមិនអាចអនុញ្ញាត ឱ្យអ៊ុយក្រែន រងបរាជ័យក្នុងជម្លោះ ដែលកំពុងបន្តជាមួយរុស្ស៊ីនោះទេ ហើយលោកបានព្រមានថា ទីក្រុងឡុងដ៍អាចនឹងសម្រេចចិត្ត ទៅឆ្ងាយបន្ថែមទៀត ដូចការបញ្ជូនទ័ព ដោយផ្ទាល់ប្រសិនបើក្រុងគៀវ ពិតជានឹងដួលរលំមែននោះ។
យោងតាមការបញ្ជាក់បន្ថែម ដោយលោក Johnson ជោគជ័យរបស់រុស្ស៊ីនៅអ៊ុយក្រែន នឹងបង្កឱ្យមានវិបត្តិសន្តិសុខ សម្រាប់សហរដ្ឋអាមេរិក និងសម្ព័ន្ធមិត្តរបស់ខ្លួន នៅលើជួរមុខ ជាច្រើនផ្សេងទៀត។
លោកបន្តទៀតបែបនេះថា ៖ វានឹងបន្តទៅរដ្ឋបាល់ទិក ។ វាបន្តទៅក្នុងប្រទេសហ្សកហ្ស៊ី។ អ្នកនឹងឃើញឥទ្ធិពលនៃការបរាជ័យរបស់អ៊ុយក្រែន នៅក្នុងតំបន់ប៉ាស៊ីហ្វិក ។ អ្នកនឹងឃើញវា នៅសមុទ្រចិនខាងត្បូងនូវរូបភាពស្រដៀងគ្នា នេះជាមិនខាន។
លោកក៏បានពណ៌នាអំពីជំនួយផ្នែកយោធា និងហិរញ្ញវត្ថុដល់ក្រុងគៀវដែរថាជាការវិនិយោគដ៏សមហេតុផលនិងជាវិធី ល្អ ក្នុងការចំណាយថវិកាសាធារណៈ ដោយលើកហេតុផលថា ចក្រភពអង់គ្លេសនឹងត្រូវចំណាយច្រើនជាងនេះទៅទៀត ពីព្រោះ សន្តិសុខសមូហភាពរបស់យើង នឹង ពិតជាត្រូវបានបំផ្លាញ ដោយអ្នកបង្កើតឡើងវិញ ហើយប្រទេសរុស្ស៊ី នឹងគំរាមកំហែង គ្រប់ផ្នែកទាំងអស់ នៃទ្វីបអឺរ៉ុប ។
អតីតនាយករដ្ឋមន្ត្រី ក៏បានចង្អុលបង្ហាញ ពីការរំពឹងទុក នៃការកាត់ជំនួយ របស់សហរដ្ឋអាមេរិក ដល់ទីក្រុងគៀវ ដែលជាហានិភ័យដែលអាចកើតមាន ដោយអះអាងថាមនុស្សមួយចំនួន ដែលមានទស្សនៈ ខុស លើបញ្ហានេះ ដែលយ៉ាងណាក្តីវា គឺនឹងស្ថិតនៅក្នុងរង្វង់ខាង ក្នុងរបស់ប្រធានាធិបតី ជាប់ឆ្នោតថ្មីលោក Donald Trump ៕
ប្រែសម្រួល៖ស៊ុនលី
