សាន់ហ្វ្រាន់ស៊ីស្កូ៖ TechCrunch បានរាយការណ៍ថា គណៈកម្មការប្រកួតប្រជែងនៃប្រទេសឥណ្ឌា (CCI) បានពិន័យជាប្រាក់ចំនួន ២៥,៤ លានដុល្លារអាមេរិក សម្រាប់ការរំលោភលើការ ប្រឆាំងនឹងការទុកចិត្ត ទាក់ទងនឹងគោល នយោបាយឯកជន ភាពដ៏ចម្រូងចម្រាសរបស់ WhatsApp ឆ្នាំ២០២១។
រដ្ឋាភិបាលឥណ្ឌាក៏បានបញ្ជាឱ្យ WhatsApp បញ្ឈប់ការចែករំលែកទិន្នន័យអ្នកប្រើប្រាស់ជាមួយអង្គភាព Meta ផ្សេងទៀត សម្រាប់គោលបំណងផ្សាយ ពាណិជ្ជកម្ម សម្រាប់រយៈពេល ៥ឆ្នាំ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
CCI បានចាប់ផ្តើមការស៊ើបអង្កេតនៅឆ្នាំ២០២១ ដោយបានរកឃើញថា ការធ្វើបច្ចុប្បន្នភាពឯកជនភាព “take-it-or-leave-it” របស់ WhatsApp បានបង្កើតការរំលោភបំពានលើទីតាំងលេចធ្លោរបស់ក្រុមហ៊ុន Meta ដោយបង្ខំអ្នកប្រើប្រាស់ឱ្យទទួលយកការប្រមូលទិន្នន័យដែលបានពង្រីកដោយគ្មានជម្រើសជ្រើសរើស។
CCI បានឲ្យដឹងទៀតថា “ការចែករំលែកទិន្នន័យអ្នកប្រើប្រាស់ ដែលប្រមូលបាននៅលើ WhatsApp ជាមួយក្រុមហ៊ុន Meta ផ្សេងទៀត សម្រាប់គោលបំណង ផ្សេងក្រៅពីការផ្តល់សេវា WhatsApp មិនត្រូវមានលក្ខខណ្ឌ សម្រាប់អ្នកប្រើប្រាស់ ក្នុងការចូលប្រើសេវាកម្ម WhatsApp នៅក្នុងប្រទេសឥណ្ឌានោះទេ” ។
ប្រភពបានសន្និដ្ឋានថាការចែករំលែក ទិន្នន័យជាកាតព្វកិច្ចរបស់ WhatsApp បានបង្កើតឧបសគ្គ សម្រាប់គូប្រជែង របស់ក្រុមហ៊ុន Meta ហើយបណ្តាលឱ្យមានការបដិសេធ ចំពោះការចូលប្រើប្រាស់ទីផ្សារ នៅក្នុងទីផ្សារផ្សាយពាណិជ្ជកម្ម ដែលត្រូវបានដាក់បង្ហាញ។ គួរបញ្ជាក់ថា កម្មវិធី WhatsApp ដែលគ្រប់គ្រង ដោយក្រុមហ៊ុន Meta មានអ្នកប្រើប្រាស់ សកម្មប្រចាំខែច្រើនជាង 450 លាននាក់នៅក្នុងប្រទេសឥណ្ឌា៕
ប្រែសម្រួល ឈូក បូរ៉ា
