បរទេស៖ យោងតាមការចេញផ្សាយរបស់ RT ក្រុមហ៊ុនអនឡាញយក្សរបស់អាមេរិក Amazon បានបញ្ជាក់ថា ខ្លួននឹងបរិច្ចាគលុយ ១លានដុល្លារ ដល់មូលនិធិរៀបចំការឡើងកាន់តំណែងរបស់ប្រធានាធិបតីជាប់ឆ្នោតលោក Donald Trump និងចាក់ផ្សាយពិធីនេះផងដែរ នៅក្នុងអ្វីដែលត្រូវបានបកស្រាយយ៉ាងទូលំទូលាយថាជាការផ្តល់ឲ្យបែបសន្តិភាពដោយលោក Jeff Bezos ។
កាសែត Washington Post ដែលជាកម្មសិទ្ធិរបស់ Bezos តាំងពីឆ្នាំ២០១៣ គឺជាអ្នករិះគន់សំដីបំផុតរបស់លោក Trump ចាប់តាំងពីអាណត្តិដំបូងរបស់គាត់នៅក្នុងសេតវិមាន។
ប្រភពមួយបានប្រាប់កាសែត Wall Street Journal កាលពីថ្ងៃព្រហស្បតិ៍ថាលោក Bezos កំពុងបរិច្ចាគតាមរយៈ Amazonហើយក្រុមហ៊ុនបានបញ្ជាក់ពីរឿងនេះនៅក្នុងសេចក្តីថ្លែងការណ៍មួយទៅកាន់ CNN រួចមកហើយផងដែរ ។
បន្ថែមពីលើការបរិច្ចាកដោយផ្ទាល់ដល់មូលនិធិសម្រាប់ការឡើងកាន់តំណែងនេះវីដេអូ Prime Video របស់ Amazon នឹងចាក់ផ្សាយការសម្ពោធរបស់ Trump ជាការរួមចំណែកដោយសប្បុរសដែលមានតម្លៃ ១លានដុល្លារ ផ្សេងទៀតផងដែរ។
គួរឲ្យដឹងដែរថាលោក Bezos ក៏ត្រូវបានគេសន្មត់ថានឹងទៅជួបជាមួយនឹងលោក Trump នៅរមណីយដ្ឋាន Mar-a-Lago របស់គាត់ក្នុងរដ្ឋ Florida នៅសប្តាហ៍ក្រោយ៕
ប្រែសម្រួល៖ ស៊ុនលី
