បរទេស៖ សហរដ្ឋអាមេរិកបានដកប្រាក់ឧបត្ថម្ភចំនួន ១០លានដុល្លារ ដែលដាក់លើលោក Ahmed al-Sharaa ដែលត្រូវបានគេស្គាល់ថា Abu Mohammed al-Jolani ដែលជាយុទ្ធជនសកម្មប្រយុទ្ធដែលដឹកនាំការបះបោរដែលបានដកប្រធានាធិបតីស៊ីរី Bashar al-Assad ចេញពីអំណាចកាលពីដើមខែនេះ។
យោងតាមសារព័ត៌មាន VOA ចេញផ្សាយនៅថ្ងៃទី២០ ខែធ្នូ ឆ្នាំ២០២៤ បានឱ្យដឹងថា លោកស្រី Barbara A. Leaf ជំនួយការរដ្ឋលេខាធិការទទួលបន្ទុកកិច្ចការភាគខាងកើតបាននិយាយថា ការផ្លាស់ប្តូរដើម្បីដកប្រាក់ឧបត្ថម្ភលើលោក Sharaa មេដឹកនាំ Hayat Tahrir al-Sham គឺជា “ការសម្រេចចិត្តផ្នែកគោលនយោបាយ” ដែលធ្វើឡើងនៅពេលដែលក្រុងវ៉ាស៊ីនតោនចាប់ផ្តើមការចូលរួមជាមួយក្រុមឧទ្ទាម។
លោកស្រី Leaf បាននិយាយថា Sharaa បានប្តេជ្ញាចិត្តចំពោះសំណើរបស់ទីក្រុងវ៉ាស៊ីនតោន ដែលថា “ក្រុមភេរវករមិនអាចបង្កការគម្រាមកំហែងក្នុងប្រទេសស៊ីរី ឬខាងក្រៅ រួមទាំងសហរដ្ឋអាមេរិក និងដៃគូរបស់យើងនៅក្នុងតំបន់”។
អ្នកការទូតកំពូលរបស់សហរដ្ឋអាមេរិកទទួលបន្ទុកកិច្ចការមជ្ឈិមបូព៌ាបាននិយាយថា “ដូច្នេះដោយផ្អែកលើការពិភាក្សារបស់យើង ខ្ញុំបានប្រាប់គាត់ថា យើងនឹងមិនបន្តការផ្តល់ជូនប្រាក់ឧបត្ថម្ភសម្រាប់យុត្តិធម៌ដែលមានប្រសិទ្ធភាពក្នុងរយៈពេលប៉ុន្មានឆ្នាំនោះទេ”។
លោកស្រី Leaf និងមន្ត្រីអាមេរិកពីរនាក់ផ្សេងទៀត ទីប្រឹក្សាជាន់ខ្ពស់ Daniel Rubinstein ដែលឥឡូវនេះត្រូវបានប្រគល់ភារកិច្ចឱ្យដឹកនាំកិច្ចសហប្រតិបត្តិការស៊ីរីរបស់នាយកដ្ឋាន និងលោក Roger Carstens បេសកជនប្រធានាធិបតីទទួលបន្ទុកកិច្ចការចំណាប់ខ្មាំងបានជួបនៅទីក្រុង Damascus កាលពីថ្ងៃសុក្រជាមួយ Sharaa និងអ្នកតំណាងផ្សេងទៀតនៃប្រទេសស៊ីរីក្រោយលោក Assad ត្រូវដួលរលំ៕
ប្រែសម្រួលៈ ណៃ តុលា
