បរទេស៖ យោងតាមការចេញផ្សាយរបស់ RT ក្រសួងការពារជាតិនៅទីក្រុងមូស្គូ បាននិយាយកាលពីថ្ងៃអង្គារថា កងកម្លាំងការពារប្រឆាំងយន្តហោះរុស្ស៊ី បានវាយលុកការវាយប្រហារទ្រង់ទ្រាយធំ របស់អ៊ុយក្រែនទៅលើតំបន់ Bryansk ដោយបានបាញ់ទម្លាក់មីស៊ីលដែលផ្គត់ផ្គង់ ដោយលោកខាងលិចរាប់សិបគ្រឿង និងយន្តហោះគ្មានមនុស្សបើកជាង ៣០គ្រឿងផងដែរ។
ក្រសួងបានរាយការណ៍ពីព័ត៌មានលម្អិត នៃការវាយប្រហារពេញមួយយប់នៅក្នុង របាយការណ៍សង្ខេបប្រចាំថ្ងៃរបស់ខ្លួន ដោយបញ្ជាក់ថា កងកម្លាំងអ៊ុយក្រែនបានប្រើប្រាស់មីស៊ីលផ្លោង ATACMS ផលិតដោយសហរដ្ឋអាមេរិកចំនួន៦ និងមីស៊ីលបាញ់ពីនាវា Franco-British Storm Shadow ចំនួន៦គ្រាប់ផងដែរ ហើយបានបន្ថែមថា យន្តហោះគ្មានមនុស្សបើក kamikaze ចំនួន៣១គ្រឿង ក៏ត្រូវបានប្រើប្រាស់ក្នុងការវាយប្រហារផងដែរ។
យោធាបាននិយាយថា កាំជ្រួចទាំងអស់ត្រូវបានស្ទាក់ចាប់ ដោយប្រព័ន្ធការពារប្រឆាំងយន្តហោះ ដោយបន្ថែមថាកាំជ្រួច Storm Shadow ពីរផ្សេងទៀតត្រូវបានបាញ់ទម្លាក់លើសមុទ្រខ្មៅ។ កាំជ្រួចទាំងនោះហាក់ដូចជា កំពុងឆ្ពោះទៅកាន់ឧបទ្វីប Crimean ដែលជាគោលដៅសំខាន់មួយនៃ ការវាយប្រហាររយៈចម្ងាយឆ្ងាយរបស់ អ៊ុយក្រែនអំឡុងពេលមានជម្លោះជាមួយរុស្ស៊ី។
អភិបាលក្រុង Bryansk លោក Aleksandr Bogomaz បាននិយាយថា ក្នុងអំឡុងពេលនៃការវាយប្រហារ ផ្ទះឯកជនចំនួន ៤២ ខ្នងត្រូវបានរងការខូចខាត និងមួយខ្នងត្រូវបានបំផ្លាញទាំងស្រុងហើយលោកបានបន្ថែមទៀតថាទោះបីជាយ៉ាងណាក្តី គ្មាននរណាម្នាក់រងរបួសក្នុងអំឡុងពេល វាយប្រហារចុងក្រោយនោះទេ៕
ប្រែសម្រួល៖ ស៊ុន លី
