បរទេស៖ បុរសដែលនៅលើកប៉ាល់ទទូចថា៖ កប៉ាល់របស់យើងជួបការលំបាក ដូច្នេះសូមរក្សាចម្ងាយរបស់អ្នក គាត់ណែនាំទៅនាវាមួយទៀតតាមវិទ្យុ។ គាត់និយាយថា “នាវាចម្បាំងនៅលើផ្លូវរបស់អ្នក” ។ “ខ្ញុំកំពុងរសាត់, ខ្ញុំមិនស្ថិតនៅក្រោមការបញ្ជាទេ»។
យោងតាមសារព័ត៌មាន AP ចេញផ្សាយនៅថ្ងៃទី៧ ខែកុម្ភៈ ឆ្នាំ២០២៥ បានឱ្យដឹងថា យោងតាមមន្ត្រីយោធា ការទាក់ទងចេញពីនាវាចារកម្មរុស្ស៊ី Kildin ខណៈដែលកប៉ាល់ដែលផ្ទុកដោយ ឧបករណ៍ស៊ើបការណ៍សម្ងាត់បានរសាត់ចេញពី ការគ្រប់គ្រងជាបណ្តោះអាសន្ន នៅឆ្នេរសមុទ្រស៊ីរីកាលពីថ្ងៃទី ២៣ ខែមករា ជាមួយនឹងអណ្តាតភ្លើង និងផ្សែងខ្មៅហុយចេញពីបំពង់ផ្សែងរបស់វា។
សារព័ត៌មាន Associated Press ទទួលបានសំឡេងនៃការទាក់ទងនោះ ក៏ដូចជាវីដេអូ និងរូបថតដែលបង្ហាញពីការឆាបឆេះ ដែលមន្ត្រីយោធាបីនាក់បាននិយាយថា ត្រូវបានប្រមូលផ្តុំដោយកប៉ាល់មួយគ្រឿង មកពីប្រទេសជាសមាជិកអង្គការណាតូ ដែលកំពុងប្រតិបត្តិការនៅក្បែរនោះ។ មន្ត្រីមកពីប្រទេសណាតូក៏បាននិយាយទៅកាន់ AP ក្នុងលក្ខខណ្ឌអនាមិក ដើម្បីពិភាក្សាអំពីការឆេះ និងការបញ្ជូនការទាក់ទងតាមវិទ្យុ ដែលអាជ្ញាធររុស្ស៊ីមិនបានរាយការណ៍ជាសាធារណៈ ៕
ប្រែសម្រួលៈ ណៃ តុលា
