បរទេស៖ រដ្ឋមន្ត្រីការបរទេសអាមេរិក លោក Marco Rubio កាលពីថ្ងៃព្រហស្បតិ៍ បានថ្កោលទោសប្រទេសថៃ ចំពោះការបញ្ជួនយ៉ាង ហោចណាស់ជនជាតិ អ៊ុយហ្គ័រ (Uyghurs) ចំនួន ៤០ នាក់ទៅកាន់ប្រទេសចិន ដែលទីក្រុងវ៉ាស៊ីនតោននិយាយថា សមាជិក នៃក្រុមមូស្លីមបានប្រឈមមុខ នឹងអំពើប្រល័យពូជសាសន៍។
យោងតាមសារព័ត៌មាន បាងកក ប៉ុស្តិ៍ ចេញផ្សាយ នៅថ្ងៃទី២៨ ខែកុម្ភៈ ឆ្នាំ២០២៥ បានឱ្យដឹងថា ចំណាត់ការ របស់ប្រទេសថៃ ដែលជាសម្ព័ន្ធមិត្ត របស់សហរដ្ឋអាមេរិក បានកើតឡើង បើទោះបីជាមានការជំរុញ ដោយអ្នកជំនាញសិទ្ធិមនុស្សរបស់អង្គការសហប្រជាជាតិ មិនឱ្យបញ្ជូនជនជាតិអ៊ុយហ្គ័រ ទៅវិញក៏ដោយ ដែលរដ្ឋាភិបាលថៃបានឃុំខ្លួនអស់ រយៈពេលមួយទសវត្សរ៍ ដោយព្រមានថា ពួកគេប្រឈមនឹងហានិភ័យ នៃការធ្វើទារុណកម្ម ការធ្វើទារុណកម្ម និង “គ្រោះថ្នាក់ដែលមិនអាចជួសជុលបាន” ប្រសិនបើត្រឡប់មកវិញ។
ក្រុមសិទ្ធិមនុស្ស និងរដ្ឋាភិបាលលោកខាងលិច មួយចំនួនបានចោទទីក្រុងប៉េកាំង ពីការរំលោភបំពានយ៉ាង ទូលំទូលាយលើជនជាតិ អ៊ុយហ្គ័រ ដែលជាជនជាតិ ភាគតិចដែលមានចំនួនប្រហែល ១០ លាននាក់នៅក្នុងតំបន់ ភាគខាងលិចនៃ Xinjiang របស់ប្រទេសចិន។ យ៉ាងណាក៏ដោយ ទីក្រុងប៉េកាំងបដិសេធរាល់ការប្រព្រឹត្តខុស។
លោក Rubio រដ្ឋមន្ត្រីការបរទេសអាមេរិក បាននិយាយ នៅក្នុងសេចក្តីថ្លែងការណ៍មួយថា “យើងថ្កោលទោសក្នុងលក្ខខណ្ឌ ដ៏ខ្លាំងបំផុតដែលអាចធ្វើទៅបានរបស់ប្រទេសថៃដែលបង្ខំឱ្យជនជាតិ អ៊ុយហ្គ័រ យ៉ាងហោចណាស់ ៤០ នាក់ត្រឡប់ទៅ ប្រទេសចិន ដែលពួកគេខ្វះសិទ្ធិដំណើរ ការត្រឹមត្រូវ និងកន្លែងដែលអ្នកទាំងនោះ បានប្រឈមមុខនឹងការ បៀតបៀន ការបង្ខំឱ្យធ្វើការ និងការធ្វើទារុណកម្ម” ៕
ប្រែសម្រួលៈ ណៃ តុលា
